Assammik arsarluni GM
Ullormi unammiffiusumi siullermi unamminerit naligiiffiunngitsut
2. divisionimi assammik arsarluni pissartanngorniuttoqarnerani sisamanngormat unamminerit sisamaapput
2. divisionimi assammik arsarluni pissartanngorniuttoqarnerani ullormi unammiffiusumi siullermi pissanganartoqarpallaanngilaq.
Sisimiuni pissartanngorniunnerit ingerlanneqarput.
Unamminermi siullermi timersoqatigiiffik aaqqissuisoq SAK aamma N-85 Narsameersut angutini unammipput.
Tassani illoqarfimmeersut 40-25-mik ajugaapput. SAK sismanngornermi unnukkut unammeqqippoq, tassani Nagtoralik unammivaat, 33-17-imillu ajugaapput.
Arnat unammineranni SAK aamma Sermeq HC-mut Paamiuneersunut 37-17-imi ajugaapput, arnanilu unammisut aappaanni Kagssagssuk Maniitsumeersut aamma Team Ynglinge Nuuk unammipput. Team Ynglinge Nuuk tassani ajugaallualaavissorput, 31-18-imik.
Inernerit:
Angutit:
- N-85 - SAK: 25-40 - arsarluarnerpaaq: Miki Brandt, SAK
- SAK - Nagtoralik: 33-17 - arsarluarnerpaaq: Nick Davidsen, SAK
Arnat:
- SAK - Sermeq HC: 37-17 - arsarluarnerpaaq: Clara Nielsen, SAK
- Kagssagssuk - Team Ynglinge Nuuk: 31-18 - arsarluarnerpaaq: Pilunnguaq Wille, Nuuk
Pissartanngorniunnerit ullumi tallimanngornermi nanginneqassapput. Pissartanngorniutivinnerit sapaatiuppat pissapput.