qinersineq
Ulloq ima atussamaarpaat
Siumut siulittaasuanut Kim Kielsenimut IA-llu siulittaasuanut Sara Olsvigimut ulloq takissaaq. Sulerissamaarpammitaava?
Qinersineq ammarneqartareerpoq. Siumup siulittaasua Kim Kielsen aamma Inuit Ataqatigiit siulittaasuat Sara Olsvig nalunaaquttap 09-p qaangilaarnerani qinersisareerput.
Maannakkullu qinersinerup inernissaa kisimi utaqqisussanngorpaat.
Kim Kielsenimut Sara Olsvigimullu ulloq takissaqaaq.
Qinersiviusumi IA-p siulittaasua oqarpoq naatsorsuutigisimasaminit eqqissisimanerusimalluni.
- Ulloq qanoq atussamaarpiuk?
- Panera hiphopertoq ilagissavara, aamma parteeqatikka ilagissavakka ullup ilaani. Unnuk nammineerlunga atornerussavara, oqarpoq.
- Inuit Ataqatigiit Inussivimmiittut qaqagu ornissavigit?
- Qinersinerup inernera takoqqaariarlugu ornikkumaarpakka, Sara Olsvig akivoq. Neriuutigaa inuit uummatertik eqqarsaatitillu malillugit qinersiumaartut.
Angalaassamaarpoq
Kim Kielsen Sermitsiaq.AG-mit sussanerluni aperineqarami isertoqqaaraluarpoq.
- Takujumaarparput. Piffissap takutikkumaarpaa, akivoq.
Silaqqeqimmat angalaassamaarluni oqaatigaa.
- Umiarsualivimmukassaanga ullup ingerlanerani, Kim Kielsen oqarpoq.
- Ullumi qanoq ippit?
- Ullut allat assigalugit ajunngeqaanga. Eqqissiivillunga. Ullaakkut iteraanni nuannaartoqartassaaq, ilaa?
Assit marluk ataani takukkit