Ulersuartoqarnerata kingorna timmisartuussineq taamaatinneqarallartoq

Dash 8-mik Qaarsunit/Uummannamit utimullu timmisartuussinissat taamaatinneqarput, Nuugaatsiami eqqaanilu qarsutsisoqarnera pissutigalugu.

Air Greenland tusagassiuutinut nalunaarumi taamma oqaluttuarpoq.

Tamatumunnga pissutaavoq Dash 8-ip sumiiffimmi timmisartuussinerani maannamut upalungaarsimanermik suliaqartut aamma usit pingaarnerutillugit timmisartuunneqarnermata. Aammattaaq Qaarsuni mittarfik ullup sinnerani matoqqavoq.

Timmisartuussinissamik taamaatitsiinnarneq ilaasussanik 100-nit amerlanerusunik eqquivoq, taakkulu periarfissaq siulleq atorlugu angalanissaat pisussanngorlugu allanngortinneqassaaq.

Ilaasussat timmisartuussinissat pillugit Air Greenlandip nittartagaatigut malinnaasinnaapput, aamma ilaasussat inniminniinnerminnut atatillugu oqarasuaatimik angallattakkap normuanik paasissutissiisimasut allannguutit pillugit smsimik nassinneqassallutik.