Aningaasanut inatsit
Uldum stresserluni suliunnaarallarpoq
Aningaasanut inatsit naammassiniarlugu Naalakkersuisut katitigaanerisa allanngortinneqarnissaat pisariaqarpoq
Immaqa qaammatini kingullerni aningaasanut inatsimmik isumaqatigiinngiffioqisumut isumaqatiginninniarnerit Anda Uldumimut (D) aningaasaqarnermut- aamma akileraartarnermut akisussaanermi saniatigut Aatsitassanut Naalakkersuisoqarfimmi issiasumut tuannertuallaalersimapput.
Taanna sapaatip-akunnera kingullermi stressernini pissutigalugu sulinngiffeqarallarnera aallartippoq, Namminersorlutik Oqartussanik tusarfiit ilisimatitsissutigaat.
KNR-ip tamanna nittartakkamini oqaluttuaraa.
KNR-mi atuaruk: Uldum stressernini pissutigalugu sulinngiffeqarallalersoq
Taamatut inissisimasoqarnera sapaatip-akunnerata siuliani pilersimavoq, Anda Uldumillu stressernerata Naalakkersuisut katitigaanerisa allanngornissaat pisariaqalersippaa.
Politikeri alla tigusissaaq
Tassa imaappoq, Demokraatini ilaasortap allap aningaasanut inatsimmut aqutsineq tigussagaa ilimanaateqartoq.
Taanna kinaassanersoq piffissap sivikitsup iluani saqqummiunneqarnissaa ilimanarpoq. Taanna inuk tamaaviaartitaassaaq, Inatsisartuni politikerit upernaaq aningaasanut inatsimmik tuaviortumik suliarinnittariaqartitaareermata, 2014-mi ukiaanerani aningaasanut inatsit qinersisoqarneranik taamaatinneqarnata.
Demokraatit siulittaasuat 36-inik ukiulik, Anda Uldum, aamma Naalakkersuisut siulittaasuata tullersorteraa.