Ukiuni talliuttuni amerlasuuni innuttaasut ikinnerusut utoqqaanerusullu

Ukiuni 24-ni tulliuttuni innuttaasut ikinneruleriartussaagut. Taassuma saniatigut agguaqatigiisillugu ukioqqortussuseq annertuseriassaaq. Naatsorsueqqissaartarfiup innuttaasut 2016-imi januaarip aallaqqaataani amerlassusaat tunuliaqutaralugu, kalaallit innuttaasut amerlassusissaannik 2040-p tungaanut naatsorsuinerata pingaarnertut taakku inerneraat.

Innuttaasut 52.000-t
Ukiuni 24-ni tulliuttuni innuttaasut ikiliartornissaat ilimagineqarpoq. Maanna inuit 55.847-iusut 2040-mi naatsorsuutigineqarpoq 52.000 aamma 53.000-iinanngorsimanissaat.

Tassalu 2040-mi Kalaallit Nunaanni innuttaasut ullumikkumit, naatsorsuutigisamit kinguaassiorsinnaassutsimi, toqusoqartarnermi kiisalu nuuttarnermi allanngortoqanngippat 3.000-inik ikinnerussapput, Nunatsinni Naatsorsueqqissaartarfik naliliivoq.

Danmarkimit suli inuusunnerusut
Innuttaasut agguaqatigiisillugu ukioqqortussusaat 35,4-mit 38,1 annertusissaaq. Kalaallit Nunaatalu innuttaasui, assersuutigalugu Danmarkip innuttaasuinit suli inuusunnerussapput, tassani agguaqatigiisillugu ukiut ullumikkut 41,1-imiipput.

Piffissap taassuma ingerlanerani innuttaasut utoqqaanerusortaat, tassa innuttaasut 70-inik ukiulit imaluunniit ukioqqortunerusut marloriaatinngussapput.

Innuttaasut inuussutissarsiortut amerlassusaat appariassaaq, kisianni suli innuttaasut affaasa missarissavaat, Naatsorsueqqissaartarfik naliliivoq.

Atuaruk: Innuttaasut ukiuni 20-ni aatsaat taama ikitsigisut