ikiliartorpugut
Ukiuni 25-ni tulliuttuni innuttaasut ikiliartussapput kisianni utoqqaat amerlissapput
Naatsorsueqqissaartarfiup kisitsisaatai malillugit Kalaallit Nunaat 2040-mi 52.000-it missaannik inoqassaaq. Taamaakkaluartoq 70-it missaanik ukiullit ullumimut sanilliullugu marloriaataannik amerlanerussallutik
Kalaallit Nunaanni innuttaasut ikiliartuinnavipput.
Tamanna Naatsorsueqqissaartarfiup kisitsisaataani takuneqarsinnaavoq.
Ukiuni 25-ni tulliuttuni innuttaasut ikiliartornissaat Naatsorsueqqissaartarfimmit ilimagineqarpoq. Maanna inuit 55.984-iusut 2040-mi naatsorsuutigineqarpoq 52.000-ingajanngorsimanissaat naatsorsuutigineqarpoq.
- Kalaallit Nunaanni kinguaassiornermi toqusoqartarnerani, nunasinerni nuuttarnerniillu ilimaginngisamik allanngortoqariataanngippat, 2040-mi ullumikkumiit 4.000-nik ikinnerusut najugaqarnissaat naatsorsuutigineqarpoq. Innuttaasut agguaqatigiissillugu ukiui ullumikkut 35,2-iuvoq naatsoruutigineqarporlu 2040-mi 37,6-imut qaffassimanissaa. Kalaallit Nunaanni innuttaasut Danmarkimi innuttaasunut naleqqiullugit ukiukinnerussapput. Danmarkimi innuttaasut agguaqatigiissillugu maanna ukiui 40-upput, Naatsorsueqqissaartarfimmit ilisimatitsisoqarpoq.
Utoqqaat
70-nik ukioqalereersimasut innuttaasut 4,6 procenteraat. 2040-mi 70-nik ukioqalereersimasut maannamut sanilliullugu marloriaatinngorsimanissaa naatsorsuutigineqarpoq, tassa innuttaasut 8,5 procentii 2040-mi 70-nik ukioqalereersimanissaat Naatsorsueqqissaartarfimmit naatsorsuutigineqarpoq.
Ukiut 25-t qaangiuppata innuttaasut sulisinnaasut affarissagaat aamma naatsorsuutigineqarpoq.
1985-mit 2040-p tungaanut innuttaasut ukiui tabelimi assip ataaniittumi takuneqarsinnaapput