Arctic Winter Games
Ukiumi timersullammaap bordtennis-ertartut ikiorpai
Jens Bjerge Arctic Winter Gamesimi kajumissitsuminnik ikiuuttut ilagaat
2015-imi decembarimi Jens Bjerge nuannarineqarluartumik ukiumi timersullammattut toqqarneqarpoq, taassumalu takutissimavaa piffissami sivisuumi tamaviaarluarluni anguniagaqaraani triathlonimi angusarissaartoqarluarsinnaasoq.
Maligassiuisoq
Maanna Jens Bjerge Kalaallit Nunaanni Timersoqatigiit Kattuffianni Mission Staff-itut ikiuuppoq, bordtennis-ertartut attaveqarfigisuullugit.
– Nuannaaruigeqaarput Jensi Team Greenlandimi peqataanissaminut piffissaqarmat nukissaqarlunilu. Jens maligassiuisuuvoq maligassaqqissoq, kattuffiup generalsekretæria Carsten Olsen tusagassiorfinnut nalunaarutikkut erseqqissaavoq.
Mission Staffimi ilaasortat issittormiut unammiuaarnerannut atatillugu attaveqarnermik ataqatigiissaarinermillu arlalinnik suliaqartuupput.
Kajumissutsiminnik ikiuuttut qulingiluat
Jens Bjergep saniatigut Mission Staffimi kajumissutsiminnik ikiuuttut makkuupput:
Angutitsiaq Høy Poulsen, Futsal
Pilunnguaq Benjaminsen, Volleyball
Nivé Heilmann, Arctic Sport
Pilo Samuelsen, Dene Games
Kenneth Stage, Biathlon aamma Snowhoe, fysioterapeutiuutigaluni
Rasmine Geisler, Sisoraatinik oqilaniunneq
Najaaraq Egede, Kulturi
ESG-mit Tupaarnaq Kreutzmann aamma Mission staff-itut ikiuuppoq