Ukiukitsumik atoqateqarsimasutut eqqartuunneqartoq

Angut 24-nik ukioqartoq Nuummeersoq ulluni 120-ni pinerluttut inuiaqatigiinni kiffartuussisussatut eqqartuunneqarpoq niviarsiaqqamik 13-nik ukiulimmik atoqateqarsimanini pissutigalugu. Annikitsunik aamma tillinniarsimasutut eqqartuunneqarpoq.

Angutip 24-nik ukiullip niviarsiaqqallu 13-nik ukiullip aappariinnerat Kommuneqarfik Sermersuup politiinut nalunaarutigaa. Tassani aappariinnerat paasineqarmat nalunaarutiginnittoqarpoq, angullu ukiuni qulini angajulliuvoq. Niviarsiaqqap nammineerluni oqaluttuaraa angummi angajulliunerusumi najugaqarluni.

Angutip illersuisuata Anders Meilvangip oqaatigaa politiit suliamut iliuuseqapallassimasut. Kommuneqarfik Sermersoorli suliaq pillugu sukkavallaanngitsumik sulivoq. Kommuneqarfik Sermersuup sulinera arriingaarmat niviarsiaraq qaammatini marlunni angummi najugaqarsinnaasimavoq.

Eqqartuussinermi oqaatigineqarpoq aappariinnerat ukiup affaani sivisussuseqartoq.

Eqqartuussisoqarnerani angut 24-nik ukiulik peqataanngilaq, ullunilu 120-ni pinerluttut inuiaqatigiinnut kiffartuussisussatut eqqartuunneqarluni.

Eqqartuussineq sakkortuallaartoq Anders Meilvang isumaqarpoq.

Angutip tillinniarsimanini pissutigalugu akunnerni 80-ni inuiaqatigiinnut kiffartuussisussatut eqqartuunneqartareerpoq.

- Naak niviarsiaqqap aappaqarnissani nammineerluni aalajangigarigaluaraa inatsisikkut illersuisoqartariaqarpoq. Meeqqat atoqatigineqaqqusaanngillat qanorluunniit. Aappariinneranni pinngitsaalisamik aappariittoqanngilaq. Angut pillarneqarpoq aapparisaa ukiukitsuunera pissutaalluni taama eqqartussisoqarpoq, Anders Meilvang oqarpoq.