Friday, January 12, 2018 - 07:53

Ukiortaami ilassinninneq: – Pisussaaffik nuannernerpaaq

Kalaallit Københavnimi ilassinnimmata inuit hunnorujukkuutaat ornigussimapput. Tassani Naalakkersuisut Naalakkersuisut siulittaasuat Kim Kielsen siuttortalugu ukiut tamaasa ingerlanneqartartoq ilasseqatigiinneq ingerlappaat.

Ileqqoq malillu ilassinninneq marlunngorlugu avinneqarsimavoq. Siullermik pisortatigoortumik folketingimi ilaasortat, ministerit aallartitallu peqataaffigisaat – pisortatiguunngitsortaalu Nunatta ikinngutaanut, taaneqarneratut.

Pisussaaffik nuannersoq

Kalaallit aallartitaannut pisortaq Lida Skifte Lennert tikilluaqqusivoq oqaluttuaraluguli ukiortaami ilassinninnilluni pisussaaffilerneqarsimanini nuannaarutigeqalugu.

- Tamaani, ikinngutivut tamaasa ilassinissaat suleqatigiissimanermullu qujassuteqarnissamut periarfissaqartarpugut, Lennert oqarpoq.

Tamatuma kingorna Kim Kielsen piareersarluarsimalluni oqalugiartarfiliarpoq ukiortaamilu oqalugiaammini qulequttat pingaarnerit ilaat oqaatigalugit. Aatsitassarsiornermut oqartussaaffiup ineriartornera, suliffissaaleqisut ikiliartornerat, aalisarnerulluarnerlu nuannaarutigaa, oqallisigineqangaatsiartorli Kalaallit Nunaanni attaveqatigiinnermut ineriartortitsinissamut aningaasaliinerit pisariaqartut naqissuserlugu:

- Taamaanngippat tunniutiinnarsinnaavut, Kim Kielsen oqarpoq.

Taallaq

Naalakkersuisut siulittaasata, atuakkiortup politikerillu Augo Lyngep 1959-imi Hans Hedtoftimi umiinerani toqusimasup taalliaanik issuaalluni oqalugiaatini naggaserpaa. Taallaq inuusuttunermik politikkitsinnullu imaqarpoq, Kielsen oqarpoq:

Nikalluutigeqinatigik ataasiarlutik kukkuppata,

Nikalluutigeqinatigik aamma kukkoqqikkaluarpata,
Ajorsassanngillat!
Ajugaassapput!
Namminneq pillutik!
Uagullu pilluta!
Uagut inuiaqataasugut illersussavavut,
Ajugaassapput!

Ilassinninnermit assit ataani takukkit:

Assi.: Jesper Hansen/Arctic Business Network
Assi.: Jesper Hansen/Arctic Business Network
Assi.: Jesper Hansen/Arctic Business Network
Assi.: Jesper Hansen/Arctic Business Network
Assi.: Jesper Hansen/Arctic Business Network
Assi.: Jesper Hansen/Arctic Business Network
Assi.: Jesper Hansen/Arctic Business Network
Assi.: Jesper Hansen/Arctic Business Network
Seneste nyheder / Nutaarsiassat kingulliit