kommunimut qinersineq

Ukiormanna amerlanerusunik taasisoqassappat?

Kingullermik qinersisoqarmat taasiartortut procentiat 58,3 procentiinnaavoq, 2014-imilu Inatsisartunut qinersinermi 72,9 procentiullutik. Qineqqusaarneq kissaammerfiusoq ullumikkut amerlanerusut qinersinissaannik kinguneqassasoraajuk?

Stemmeseddel, valgurne, Aasiaat

Qineqqusaarnermi neriorsuutit amerlapput, inuusuttunut teknologii, whistleblowerinut aaqqiissut aamma issittumi uumasuusivik.

Aammattaaq sakkortuumik inunnik ataasiakkaanik saassussisoqarlunilu unammillertinik politiinut kommunillu nakkutilliisoqarfiinut nalunaarutiginnittoqarsimalluni.

Kisianni tamanna amerlanerusut qinersinissaannik kinguneqassava?

Atuaruk: Inuusuttunut højskole, qaqqani meeqqeriviit qimmillu angalaannartut

Kingullermik kommuninut qinersisoqarmat qinersisartut pingajorarterutaasa missaanniittut qinersiartoratik politikerinut ilaginnaapput. Taasiartortut procentiat 58,3 procentiuvoq.

Folketingimut qinersisoqarneratut soqutiginninneq annikitsigipajaarpoq. Tassani 2015-imi taasiartortut procentiat 50,4 procentimiippoq.

Atuaruk: Politikkikkut naliliisartoq: Tusaamasat qinersinermi iluaquteqarsinnaapput

2014-imi taasiartortut procentiat 72,9 procentimiippoq, innuttaasut qinersisinnaasut 40.000-usunit 30.000-t qinersipput.

Powered by Labrador CMS