Ukioq sivisugaluartoq: Ippernarpassuaqassaaq
Ippernat mikigaluaqalutik uummartuukasiupput. Aput, imeq aamma qarsutsinerit pereeraangata nunarsuarmi silaannakkoorlutik aallarsinnaasarput aammillu milluaasarlutik. Ippernaqaleruttortarnera qanilliartorparput.
Ippernat. Ilaat kiisisarput. Ilaat taamaattuunngillat. Inuit ilaat kiitittarput. Inuit sapigaqartuusarput. Inuit ilaat ippernarpassuit akornannut pisinnaasarput ippernamit ataatsimilluunniit qaninniarfigineqassanatik. Qanorluunniit pisoqaraluarpat ippernaqalersussaavoq, qanilliartorpummi.
Seqernup kissarnera malunniulluartalermat, tatsit taseqqallu sikuertalerput, AG allappoq.
Mannippassuit
Tamatuma kinguneranik qullugiassat – aasap siuliani tatsit killinginut inissinneqarsimasut – qanittukkut imermit uligussaagunik tukersinnaalissapput, ilisimatooq pinngortitaleriffimmeersoq Katrine Raundrup oqarpoq.
Qullugiassat tukereeraangamik taseqqami sapaatip-akunnerini pingasuni-sisamani eqisaavaaqqaartarput inersimaleraangamillu timmisinnaanngortarlutik. Tamatumani aasajaarnersoq imaluunniit nalinginnaasumit kingusinnerunersoq apeqqutaaneq ajorpoq. Qullugiassat aputip ataaniittarput aamma nillernera, qerinnarnera apullu anigorsinnaasarpaat. Taamaattumik aamma Nunarput tamakkerluni ippernaqartarpoq.
Ukioq ajoqqutaanngilluinnarpoq
- Naak maanna suli sermeqarlunilu aputeqaraluartoq, tukernissartik kinguartiinnarsinnaasarpaat, tassa tatsit qaqugukkut sikuernissaat utaqqisaramikku. Pissutsinut atukkaminnut naleqqussallaqqissuupput, tassami uligussaanissamik tungaanut utaqqisinnaasaramik. Naak uagut isumaqarsinnaasartugut ukiuunera sakkortullunilu sivisusoq, uumasuaqqanut ippernakkutut ittunut, qajannartuunngilluinnartunut ajoqutaaneq ajorpoq, Katrine Raundrup oqarpoq.
Allaaserineqartoq tamakkiisumik aviisimi AG-mi atuaruk. Aviisi uani pisiarineqarsinnaavoq: