Ukioq manna kina kajumissaaserneqarnissaminut piukkunnarpa?

Kommuneqarfik Sermersuup kajumissaasiissutigisartagaa piumassuseqarluartunut aamma maligassiuisunut nuannaarutiginninneruvoq. Ukiumoortumik ataqqinaasiisarneq ileqquusoq atorlugu aamma inuk peqatigiiffilluunniit kommunimit uppernarsarneqartarpoq, taannalu Kommuneqarfik Sermersuumi najukkami inuiaqatigiinnik nukittorsaasuusarpoq.

Ukioq kingulleq ataqqinaat akissarsiassarlu INOOQAT-mut, ineriartornikkut kinguarsimasunut angajoqqaat peqatigiiffiat, nipilersornermik ilinniartitsisoq Jim Milne, aamma Peqatigiiffik Nuummi Eqqaamasat, Nuuk Lokalhistoriske Foreningimut tunniunneqarput.

Atuaruk: Imminornermut pinaveersaartitsinermik suliniut nersornaaserneqarpoq

Sunniuteqarsinnaanerit atoruk
Kommunip maanna innuttaasut inummut peqatigiiffimmulluunniit pattalaarneqartariaqartumut massakkut ikinngutinnersumik eqqarsaatigisanut innersuussissutinut nassiussinissamik periarfissippai.

Inuk peqatigiiffilluunniit toqqarusutat immikkut iliuuseqarsimasutut isigisaq, imaluunniit immikkuullarissumik iliuuseqarsimasoq toqqarneqassaaq.

Assersuutigalugu kulturikkut, sulinerup tungaatigut, imaluunniit kommunimi inooqataanikkut akissarsiassaq inummut peqatigiiffimmulluunniit tunniunneqassaaq.

Kajumissaaserneqartoq uppernarsaammik, tunissummik aammalu 15.000 koruuninik pissarsitinneqassaaq. Akissarsisitsinissamut tigusisinnaasut pingasut tikillugit akissarsiassamik tunineqarsinnaapput.