Nuuk

Ukioq manna Katuami tusarnaartitsinermi kingullermi marluk tusarnaartitsissapput

Ukioq nuannersumik naggataarneqassaaq kulturip illorsuani Nanook aamma For Akia tusarnaartitsisoralugit

Nanook marlunngornermi decembarip 30-anni Katuap paarlersuani tusarnaartitsissapput

Amerlanerpaat Nanook-ut nalunngilaat, ikittuinnaallu For Akia tusarsimassagunarpaat, taakkulu amerlasuunit tusaamasanngortussatut isigineqarput.

Nipilersoqatigiit taakkua marluk marlunngornermi decembarip 30-anni Nuummi kulturip illorsuani Katuami ukioq manna kingullerpaamik tusarnaartitsissapput.

For Akia, Hans Mortensen siuttoralugu, Nanook-unnut, saqqummersittakkaminnik 15.000-it sinnerlugit tunisaqarsimasunut, maannalu saqqummersitseqqammersimasunut atilimmik ´Pissaaneqaqisut´, qilanaartuutaassapput.

Nipilersoqatigiinnik marlunnik tusarnaartitsinermi, Katuap paarlersuani ingerlanneqartussami, Katuaq isertunut siullernut 100-nut akeqanngitsumik immiaarallissaaq.

Powered by Labrador CMS