Aalisarneq

Ukioq manna kapisilittassat ikinnerusut

Kapisilinniarneq aggustip 15-ani aallartissaaq, kisianni aalisapilunneq pissutigalugu ukiormanna pisassiissutit ikinnerupput

Laks, flod, USA
2015-imi Nunatsinni kapisillit amerlavallaat pisarineqarsimapput

Naalakkersuisut aalajangerput ukioq manna 15. august 2016 aallartissasoq unissasorlu 31. oktober.

2016-mut 32 tonsit pisassiissutigineqarput. Oktoberip 31-utinnagu 32 tonsit tamakkerneqarpata aalisarneq erngerluni unitsinneqassaaq, tamanna tusagassiuutitigut nalunaarutigineqassaaq.

Siorna amerlavallaanik aalisartoqartoq
Kalaallit Nunaata NASCO-llu 2015-2017-mut isumaqatigiissutaat tunngavigalugu ukiumut pisassiissutit 45-ussasut aalajangerneqarpoq.

Taamaattoq 2016-mi pisassiissutit 32 tonsiinnaassapput 2015-imi pisassiissutigineqartunit 13 tonsinik sippuisimaneq pissutigalugu.

Atuaruk: Kapisillit pisarineqarsimasut ikitsuinnaat nalunaarsorneqartarput

Inuussutissarsiutigalugu aalisartut kapisilinniarniarunik akuersissuteqassapput. Pisat tunitsivinnut tuneqqusaanngillat taamaattorli kalaalimineerniarfinniit tuniniarneqarsinnaapput, kiisalu neriniartarfinnut, akunnittarfinnut suliffeqarfinnulluunniit tunineqarsinnaallutik.

Ingerlaannaq nalunaarutiginnigit
Sunngiffimmi aalisartut taamaallaat namminneq atugassaminnik pisaqarsinnaapput. Inussutissarsiutigalugu sunngiffimmilu aalisartut tamarmik pisaminnik nalunaaruteqassapput. Pisanik nalunaarfissaq linkimi uani aaneqarsinnaavoq businessingreenland.gl-imi.

Pisanik nalunaaruteqarneq pisassaaq inuussutissarsiutigalugu aalisartup tunisinerit tamaasa sunngiffimmilu aalisartup qassusiarnerit tamaasa.

Atuaruk: Kapisilinniarnermut politikki arlariinnit isornartorsiorneqarpoq

Atuaruk: KNAPK amerikarmiunut: Kalaallit Nunaanni nungusaataasumik kapisilinniartoqanngilaq

Powered by Labrador CMS