Kalaallit Nunaat Tivolimi

Ukioq manna Kalaallit Nunaat Tivolimi pisussat takukkit

Ukioq manna Kalaallit nipilersortartut Tivolimi appisimaaqqissapput

Kalaallit Tivolimi nalliuttorsiornerat ulluni marlunni ingerlanneqaqqissapput, tassa juulip ulluisa 31-ni aamma aggustip aallaqqaataani.

Kalaallit Tivolimi nalliuttorsiornerat ulluni marlunni ingerlanneqaqqissapput, tassa juulip ulluisa 31-ni aamma aggustip aallaqqaataani.

Nalliuttorsiorneq aammaarluni nipilersornermik imaqangaatsiassaaq.

Ukioq manna ukua appisimaassapput: Enok Poulsen, Nuuk Posse, Maalia & Jonas, Frederik Elsner, Nina, Olsen Kids, Hinnarik, Da Bartali Crew aamma erinarsoqatigiit Erinaq Uummannaminngaanneersut.

- Tulluusimaarutingaarput nipilersortartut arlariit saqqummiuteqqissinnaangatsingit. Nuannatsitinitsinnut nipilersorneq toqqammiusorujuuvoq. Taamaammat kikkut tamarmik tusarnaarsinnaasaannik Kalaallit Nunaannullu ilisarnaataasunik nipilersortartunik toqqaasimavugut. Pisussat kiisami inissinneqarsimapput. Massakkullu nipilersortartunik tusarnaarnissarput nuannattoqarnissaalu qilanaarutigaarput, Miki Jensen pilersaarusiortartut sinnerlugit tusagassiuutinut nalunaaruteqarpoq.

Assit takukkit: Kalaallit Nunaat Tivolimi iluatsitsilluarfioqqippoq

Ukioq manna pisiniarfeeqqami peqataarusullutik soqutiginnittut aamma amerlapput. Tassani atisaarniat, sanaluttartunik, sermersuarmit imermiik raajat uuliamut qalaassanut pisiassaasinnaassapput. Pisiniarfeeraq 16-nik immikkoortoqassaaq tassani Kalaallit Nunaanni suliffeqarfiit ilisimaneqarlutunit aamma namminersorlutik assassortartunit peqataaffigineqassalluni.

Ukioq manna Kalaallit Nunaat Tivolimi pisussat ima isikkoqarput:

Ivikkami – Ataatsinngorner 31. juli:

  • 12.15 Erinaq Uummannami erinarsoqatigiit
  • 13.00 Enok Poulsen Pop/Rock
  • 14.00 Hinnarik meeqqanut aliikkusersuillunilu nipilersussaaq
  • 15.00 Maalia & Jonas Pop/Country/Jazz
  • 16.00 Da Bartali Crew Elektronisk Hip-Hop
  • 19.00 Nuuk Posse Hip-Hop
  • 20.00 Olsen Kids Pop
  • 21.00 Nina Elektronisk Pop
  • 22.15 Frederik Elsner Erinarsortartoq/nipilersortartoq

Ivikkami – Marlunngorneq 1. aggusti

  • 12.15 Erinaq Uummannami erinarsoqatigiit
  • 13.00 Hinnarik meeqqanut aliikkusersuillunilu nipilersussaaq
  • 14.00 Frederik Elsner Erinarsortartoq/nipilersortartoq
  • 15.00 Olsen Kids Pop
  • 16.00 Nina Elektronisk pop
  • 16.45 Akissarsititsineq
  • 19.00 Da Bartali Crew Elektronisk Hip-Hop
  • 20.00 Maalia & Jonas Pop/Country/Jazz
  • 21.00 Nuuk Posse Hip-Hop
  • 21.50 Enok Poulsen Pop/Rock
Powered by Labrador CMS