Siulittaasunngorniunneq
Ukioq manna ataatsimiinnerit pingaarnersaat: Kim imaluunniit Vittus?
Siumup aallartitat 69-t kiisalu pulaartut partiip nuna tamakkerlugu ataatsimeersuarnissaani juulip 26-nnit 28-annut katersorpai. Ataatsimiinnerup pingaarutillip kingorna amerlanernut apeqqut tassaavoq: Ataatsimeersuarnerup kingorna siulittaasoq sorliussava, Kim imaluunniit Vittus?
Siulittaasunngorniunnissaq kikkut tamarmik taannariligaat sisamanngornermi juulip 27-anni pissaaq tassanilu Siumup Nuummi siulittaasortaava, Vittus Qujaukitsoq, partiip siulittaasussaatut qinigassanngortinnini nalunaarutigisimallugu.
Maannakkuugallartoq allanik qinigassanngortittoqanngilaq.
Sermitsiaq aviisimi saqqummertumi kingullermi taama allappoq.
Piffissami ilungersunartumi partii ataatsimoortikkaa
Vittus Qujaukitsup Kim Kielsen aqutsisutut sanngiitsuunerarlugu isornartorsiorpaa. Taassuma saniatigut Kim Kielsen namminiilivinnisamik sulinermi ilungersuuteqanngippallaarnerarlugu isornartorsiorpaa.
Kim Kielsenili 2014-imi qinersinermi ajugaatitsimmat puigutsiarpaa. 2014-imimi ukiaagaa Aleqa Hammond tunuartitaammat sivikitsunnguamik piffissaqarluni iluatsitsissangatinneqarnani isumasiunerillu IA-mik ajugaatitsisut partiini ataatsimoortilerpaa qinersinermilu ajugaanissaq qulakkeerlugu. Amerlasuullu taamaasiorsinnaasimanavianngillat
Siulittaasunngorniunneq pissanganartoq aalajangiisorlu pillugu allaaserisaq tamaat Sermitsiami saqqummertumi kingullermi atuaruk, uani ataani akiliillutit atuarsinnaavat: