Skip to main content

Ukaleq pisassaanngitsoq: Norges Cupimi ajugaaqqittoq

Kalaaleq ujakkaarluni ooqattaasartartoq piukkunnaatilik Ukaleq Slettemark juniorit Norges Cuperneranni ajugaaqqippoq

Norgemi ujakkaarluni ooqattaasarnermi juniorini ukioqatigiiaani K17-ini tallimanngormat ajugaasut aappaattut inissinnermi kingorna, Ukaleq Slettemark Norges Cupimut arfininngormat peqataavoq.

Marlunnik ooqattaasarnertalimmi 6 kilometerinut arpannermi ajugaallualaavippoq. Mari Torsteirudimit maanna Norges Cupimi angusat katinnerini siuttuusumit sekundinik 24-nik siulliulluni apissippoq. Nunatsinni Biathlonertartut Kattuffiat tusagassiuutinut nalunaarummi taama allappoq.

Atuaruk: Ukaleq angusarissaaqqippoq: Norgemi sølvinnappoq

Iginnerup nalaani piffissaq aalajangiisuusoq ilisimatitsissutigineqarpoq.

- Unamminerup aallartinnginnerani anoreqanngilaq, kisianni pallorluni iginnermi siullermi anoreqangaatsiarpoq. Anori naatsorsorpara, eqqoriagassallu umernerani centimeterimik ataatsimik sanimut umerpunga. Tamannalu eqqortuliornerusoq paasinarsivoq, tallimallu tamaasa eqqorakkit naammagisimaartorujussuuara, Ukaleq Slettemark tusagassiuutinut nalunaarummi oqarpoq.

Unammilluarpoq, ukioqatigiiaanilu K18-ini ajugaasumit 40 sekundinik sukkaneruvoq. Ukioqatigiianilu K19-ini peqataasimasuuguni ajugaasup aappaattut inississimassagaluarpoq. 

Norges Cupimi unamminerup tullia poorskip kingorna pissaaq.

- Poorskip kingorna unamminermi ajugaasinnaaguni, taava Norges Cupimi angusat katinnerini ajugaanissamut periarfissaqarlualissaaq, Nunatsinni Biathlonertartut Kattuffiat taama nalunaarpoq.

Atuaruk: Ukaleq Slettemark bronzinnannisamut 9 sekundinik kingusinaartoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER