Nuuk

Ujartueqatigiit atornerluisut aamma angerlarsimaffeqanngitsut nanisassavaat

Innuttaasut ajornartorsiutiminnik nammineq nassuerutiginninngitsunik, Nuummi aqqusinermi ujartueqatigiit angalaartassapput

Inunnik isumaginnittut atorfillit inuit katsorsartitsinissamut, ikorfartorneqarnissaannut aamma siunnersorneqarnissaannut ikiussavaat.

Kommuneqarfik Sermersuup meeqqat inuusuttullu atugarliortut siornatigut unnukkut unnuakkullu aqqusiniinnarmi angalaartartut angusassamik toraagaqarluni iliuuseqarnermini iluarsiiffigai.

Maanna ukioqqortunerusunut iliuuseqartoqalerpoq, tassa inersimasut atugarliortut.

Aamma atuaruk: Kommunimi sulisoq kukkorujussuartoq: Angut inuusuttoq ulluni 17-ni mattussaaqqasoq

Inuit aqqusinermi ujartortassavaat
Kommuneqarfik Sermersuumi Isumaginninnermut, Suliffeqarnermut Inuussutissarsiornermullu Ingerlatsivik aqqusinermi ujartuillutik angalaartartunik atorfinitsitsisoqarnissaanik siunnersuuteqarpoq. Ujartuisut aqqusinerni, majuartarfinni, imerniartarfinni aamma ornittakkani pingaartumik angerlarsimaffeqanngitsunut attavimmik pilersitsiniarlutik, kisianni aamma innuttaasunut atornerluisunut imaluunniit allanik inuuniarnikkut unammilligassaqartut.

- Aqqusinermiittartut innuttaasup pisortat oqartussaqarfiit, nakorsat, ilaquttat allallu attaveqarfigiinnarnissaannut ataqatigiissitsisuussapput taavalu pisariaqartillugu pinartunut suliniuteqartartuussallutik, ingerlatsiviup siunnersuutaani atuarneqarsinnaavoq.

Innuttaasunit saaffigineqartarumasut
Ujartuisartut sanilinit, ilaquttanit, suleqatinit imaluunniit allanit ernumallutik pineqartut saaffiginnissutigineqaraangata qisuariartassapput. Kisianni taakku marluk sulisut nammineerlutik illoqarfimmik innuttaasunik ikiortarialinnik ujaarlertassapput.

Atuaruk: Angut nuummi apummik mattussaaqqasimasoq

Aqqusinermi ujartuisartut kommunip angerlarsimaffeqanngitsunik ajornartorsiuteqartoqarneranut atatillugu iliuusereriigaanut tassa inissiat aamma siniffissat amerlanerusut, kajumissutsimik suliniaqatigiiffiit suleqatigalugit kiisalu Kofoeds Skolemip pilersinneqarneranut ilanngutissapput.

Atuaruk: Angajoqqaat aningaasarsigaangamik akisussaaffitsik iperartarpaat

Siunnersuut akuerineqassappat sulisut taakku marluk akissarsitinneqarnerinut 600.000 koruunit missaanniittut missingersuutinut immikkoortinneqassapput.

Powered by Labrador CMS