Ujakkaarneq: Arctic Circle Race aallartiinnaqaaq

Ujakkaartartut 106-it nunani assigiinngitsuni 14-neersut Arctic Circle Racemi 1. etape-miit aallartipput

Martin Møller, Frederik Pedersen aamma borgmester Malik Berhtelsen ukiormanna Arctic Circle Racemut peqataasut ilagaat, tallimanngornermi nalunaaqutaq qulinut aallartippoq. - Oline Inuusuttoq Olsen
Martin Møller, Frederik Pedersen aamma borgmester Malik Berhtelsen ukiormanna Arctic Circle Racemut peqataasut ilagaat, tallimanngornermi nalunaaqutaq qulinut aallartippoq. - Oline Inuusuttoq Olsen
Martin Møller, Frederik Pedersen aamma borgmester Malik Berhtelsen ukiormanna Arctic Circle Racemut peqataasut ilagaat, tallimanngornermi nalunaaqutaq qulinut aallartippoq. - Oline Inuusuttoq Olsen
Martin Møller, Frederik Pedersen aamma borgmester Malik Berhtelsen ukiormanna Arctic Circle Racemut peqataasut ilagaat, tallimanngornermi nalunaaqutaq qulinut aallartippoq. - Oline Inuusuttoq Olsen

11.55 nutarterneqarpoq

Nalunaaqutaq 10.00 Sisimiuni Taseraliup eqqaaniit aallartipput, sapaatiuppat aamma taanna apuuffigissavaat.

Qiimmassarlugit aallartinneqartut

Ileqqoq malillugu peqataasut aallartiuffiup saavani isiginnaarianit qiimmassarneqarlutik aallartinneqarput. Taakku Sisimiut tunuani ulluni pingasuni katillugu 160 kilometerimut sakkortuumik ujakkaassapput.

- Arctic Circle Race ukioq manna siusinnerusukkut aaqqissuunneqarpoq, tamatumalu kingorna GM-ertoqartussaavoq massakkullu aamma Europami unammersuarnerit ingerlanneqarlutik. Tamatuma kingunerisanik ukioq manna nunanit allaniit peqataasut amerlanngillat, Jens Klaus Lennert Sermitsiamit apeqqarissaarfigineqarami, paasissutissiivoq.

Frederik Petersen, Martin Møller aamma Mailk Berthelsen peqataasut

Qeqqata Kommuniani borgemsteri Malik Berthelsen (S) Arctic Circle Racemut tikilluaqqusilluni oqalungiarnermini ujakkaaruteqarlunilu peqataasussatut normoqarpoq.

- ACRimi peqataanerup nuannersua aamma pikkunartua oqaluttuarissangaanni, nammineq misilissimasariaqarpoq, Borgmesteri Malik Berthelsen tikilluaqqusinermini ilaatigut taama oqarpoq peqataasussallu nuannisarnissaanni kissaateriarlugit isiginnaariat peqatigalugit unammersuarneq aallartissallugu 10-mit kingumut kisitseqatigiipput.

Martin Møller (Kalaallit Nunaat) ukioq kingulleq ajugaasoq aamma kingumut peqataqqippoq.

- Ajugaaniutivinnermut unammisassakka 50-t missaanniipput, aallanngitsiarnermini Martin Møller oqarpoq.

Aammali Iluliarmiu Frederik Petersen, ukioq kingulleq sekundinik marlunnik nr. 3-nngornissaraluamit kingulliulaartoq peqataaqqippoq.

- Ajugaasut tallimat akornanni inisseqqinnissara anguniarpara, Frederik Petersen oqarpoq.

Unammineq aallartimmat aaqqissuisuniit oqaatigineqarpoq Olympiademut unammeqataasimasoq peqataammat, taassumalu Martin Møller tulleriinnangajallugu malikkaa.

Illoqarfiup qanitaani tupersimaarfik

Ukioq manna peqataasut ikiuuttullu illoqarfiup qanitaani tupersimaarfeqassapput, peqataasulli tupersimaarfimmi unnuinerminni pinngortitamiinnertik malugisinnaajumaarpaat.

Powered by Labrador CMS