Nuuk
Ujajaanermut suliami pasisaq tigusarineqartoq
Politiit pasisamik ujaasinerannit nalunaarutiginninnerannit ulloq ataaseq qaangiutinngitsoq pasineqartoq tigusarineqarpoq
Nuummi illoqarfiup immikkoortuani Nuussuarmi imerniartarfimmut Pub Nuannimut ujajaanermut suliami pasineqartoq, tallimanngornermi ullaap tungaani politiit tigusaraat.
Nuummi politiit KNR-imut taama ilisimatitsipput.
Atuaruk: Imerniartarfimmut ujajaasoq ujaarineqartoq
Innuttaasunit saaffiginninneq
Ujajaaneq marlunngornermi ualikkut pivoq. Sisamanngornermiu ualikkut Nuummi politiit assitalerlugu ujaasinermik nalunaaruteqarput, tassani assimi ujajaasoq kiinnani asseqagaa takuneqarsinnaavoq.
Ujaasinerat innuttaasunik saaffiginnittoqarneranik kinguneqarpoq, politiillu tigusarinnissinnaanngorput, politeeq Britta Davidsen Nuuk Politiineersoq KNR-imut ilisimatitsivoq.
Pinerluuteqartoq ujajaanermini aningaasaq qanoq amerlatigisut tigusimanerai suli ilisimatitsissutigineqanngilaq.