nassaarineqanngilaq
Ujaasineq suli kinguneqanngilaq
Timmisartup Challengerip annertunerusoq ujaasiffigilerpaa
Tunumi timmisartuaqqamik ujaasineq suli kinguneqanngilaq, taamatut paasissutissiivoq Naviairip tusagassaqartitsinermut ataqatigiissaarisua Camilla Hegnsborg.
Sakkutuut timmisartuata Challengerip ullumi Tasiilap kangiani imaq annertunerusoq ujaasiffigissavaa, neriuutigalugu timmisartuaraq issimasualu ataaseq, sisamanngormat ualikkulli tamaaneqartoq, paasisaqarfigisinnaallugit. Timmisartuaraq tammarami akunnerni marlussunni timminissaminut orsussaqarpoq.
Air Greenlandip helikopteria Bell 212 maanna Kulusummiippoq, Camilla Hegnsborg paasissutissiivoq.
Timmisartuaraq sisamanngormat tammarmalli ujaarineqalerpoq, timmisartullu marluk helikopterillu marluk atorlugit annertoorujussuaq ujaasiffigineqarsimavoq.
Unnuaq Challenger Danmarkiliarpoq radarimut atortunik nutaanik aallerluni.
Camilla Hegnsborgi oqaatigaa umiarsuit tamaaniittut qinnuigineqarsimasut ujaasinermi ikiuuteqqullugit.