Danmark

Ujaasineq: Puisi 'Luna' takuneqartoq

Misissuisarfimmit puisi pingasunngornermi qimaasoorneqartoq sisamanngornermi takuneqarpoq

Puisi Luna ujaarineqaleruttorpoq. Syddansk Universititetimi puisi misiuinermi pingaaruteqartumi misissorneqartuuvoq

Timmisartoq, umiatsiat marluk biililu atorlugu puisi ataatsimik ukioqartoq qatanngutaalu ukiuni marlunni angajulliusoq Syddansk Universititetimit qimaasoorneqarput.

Maannakkulli neriuuteqalertoqarpoq, Fyens Stifttidende allappoq.

Puisi arnaviaq 'Luna' pingasunngormat qimaasoorneqartoq sisamanngornermi Kertemindep eqqaani takuneqarpoq.

- Takuarput, qularutiginngilara takugipput. Immap tinissimasup eqqaaniittoq takuarput, ilimagaarput misissuisarfimmukaateqqissinnaassallugu. Immaqa ullumikkuunngikkaluartoq, immaqa tallimanngornerup ingerlanerani tigusinnaassavarput, biologi Kirstin Anderson Hansen fyens.dk-mut oqarpoq.

'Luna'-mut taanna sungiusaasuuvoq.

Nino nassaarineqareerpoq
59 kilonik oqimaassuseqartoq Luna 110 kilonillu oqimaassuseqartoq Nino misissoqqissaarneqarput, tassani puisit immap naqqani tusaasaqartarnerat misissorneqarluni.

Misissorneqarnerat ukioq kingulleq decembarip arfineq pingajuanni aallartippoq, Madrid-imi uumasuusivissuarmit Kertemindeliaanneqarlutik.

- Nassaarinngikkutsigu aallaqqaataanit aallartittariaqassaagut. Uumasuuvoq pingaarutilik Kirstin Anderson Hansen sungiusaanermi misissuinermilu peqataasoq oqarpoq.

Nino misissuisarfimmukaanneqareerpoq, immap tininnersaani aamma nassaarineqareersorlu.

Powered by Labrador CMS