Toqusoqarsimaneranik paasiniaaneq

Ujaasineq angusaqarfiunngilaq

Islandip oqaluttuarisaanerani ujaarlerneq annerpaaq ingerlanneqaraluartoq suli Birna Brjánsdóttir sumiiffissineqanngilaq

Ujaarlerfigineqartoq assinga

Annaassiniartartut 570, ATViit, qimmit, dronet kiisalu qulimiguullik atorlugit arfininngormat periarfeerunneqartoq 20-nik ukiulik Birna Brjánsdóttir ujaarivaat. Islandimi tusagassiuteqarfiit taama paasissutissiipput.

Ujaasineq Reykjavikip ilaani 50 aamma 70 kilometerit iluanni ingerlanneqarpoq. Maannamulli ujaasinneq annerusumik iluatitsiffiunngilaq, taama RUV aamma mbl.is paasissutissiipput.

Atuaruk: Biilini aammik nassaartoqartoq

Islandermiut ataqatigiipput.

Islandimi annaassiniartartut ujaarleqataarusullutik nalunaarsimapput, taakkuli piumassutsiminnik ikiuuttuniit nerisassanik imeruersaatinillu ikiorneqarput.

Ujaasisuut arnaq periarfeerussaq kisiat ujanngilaat, pingisaanik aamma ujaasipput. Tamanna pillugu arnap periarfeerunneqarnerani suut atorsimanerai paasitinneqarlutik.

Oqarasuaatissarsiortut

Oqarasuaataa iPhoneusoq politiinit sumiiffissineqarusukkaluarpoq. Oqarasuaat umiarsualivimmi Polar Nanup talinngaviata ungasinngisaani attaveqarsimavoq, tassanngaanniillu attaveerulluni.

Annaassiniartartut iPhonenik nassaarsimapput kisiannili oqaatigineqarsinnaanngilaq Birna Brjándóttirs iPhonea nassaarineqartut akornanniinnersoq.

Atuaruk: Inuttat toqutsisimasutut unnerluutigineqartut

- Tallimanik nassaarpugut, ujaarlernerup pimoorunneqara takussuserneqarpoq, Ásgeir Þór Ásgeirsson politiineersoq RUV-mut taama oqarpoq.

Birna Brjándóttir ujaarineqara taarsinissaata tungaanut ingerlanneqassaaq, nassaarineqarsimanngippat sila qaammarpat ujaarleq nanginneqassaaq.

Politiit oqaatigaat ujaarlerfik pisariaqassappat annertusineqassasoq.

Powered by Labrador CMS