Ujaarisitsineq
Ujaarisitsineq: Kina assimik eqqumiitsuliortuua?
Assimik kina eqqumiitsuliortuunersoq paasiumallugu Ilisimatusarfik ikioqquvoq.
Ilisimatusarfik ujaarisitsivoq: Kina assimik eqqumiitsuliortuua?
Jette Rygaard Ilisimartusarfimminngaanneersoq allappoq, Eqqumiitsuliornermik Ilinniarfiup ilinniartuisa saqqummersitsineranni asseq pisiarisimallugu, kisiannili asseq atsiorneqarsimanngitsoq. 132-ilu kisimi allaqqalluni.
Aviisip saqqaani atorneqarniartoq
Tamanna pissutigalugu eqqumiitsuliortup paasiniarneqarnerani ikioqqupput.
Ilisimatusarfiup quppersagaani Inuiaat Kultuuriannut Oqaluttuarisaanerannullu Ilisimatusarnikkut misissukkani asseq atorneqassaaq.
Inuusuttoq eqqumiitsuliortoq
Jette Rygaardip oqaluttuaraa, arlaleriarlutik Fritti Peterseni assimik qalipaasuusimasoq paasitinneqartarsimallutik.
Taanna ukioq kingulleq Københavnimi imminut toqussimangunarpoq, Ilisimatusarfiulli saaffginnissutigisaralui arnaanit akineqarneq ajorlutik.
Tamanna pissutigalugu Ilisimatusarfiup eqqumiitsuliortoq suli ujaarivaat.
Assimik kina eqqumiitsuliortuunersoq ilisimaviuk imaluunniit eqqoriarsinnaaviuk? Taamaappat Jette Rygaard mailikkut: jery@uni.gl imaluunniit oqarasuaatikkut 58 58 00-mut attaveqafigiuk.