Skip to main content

Uippakajaarneq paquminarunnaartoq

Inuit amerlanerusut uippajaarnermik eqqorneqarnertik imaluunniit allat eqqungaanerat pillugu eqqartuinissaminnut piareersimapput. Kisianni suli suliffeqarfiit ilaanni paquminartuuvoq.

Kikkunnut tamanut eqquisinnaavoq, aamma nukittunerpaatut inissisimasoq eqqorneqarsinnaalluni suliassat annertuallaalerpata.

Uippakajaarneq paquminartuujunnaartoq, tamanna Epinion-ip PFA sinnerlugu misissuineranit erserpoq.

Danmarkimi aperineqartut 2000-jusut amerlanersaasa oqaatigaat namminneq qanigisartilluunnit uippakajaarnermik eqqorneqarpat oqaluuserinissaa piareersimaffigalugu.

Rikke Bay Haaber, peqqinnissaq pillugu PFA-imi immikkoortortami pisortaq isumaqarpoq uippakajaartarneq pillugu ukiorpassuarni eqqartuisarneq paquminarunnaarneranut aallaaviusoq.

- Uippakajaarneq initoorujussuuvoq. Tamat oqallittarfianni kisianni aamma suliffeqarfinni. Siornatigummi isumaqartoqartarpoq eqqartorneqanngikkuni isummaminik qaangiutissasoq. Maannali amerlanerit isummerfigisinnaanngorpaat, Rikke Bay Haaber oqarpoq.

Uippakajaarneq eqqartortarparput

Uippakajaarneq paquminartuujunnaartoq, tamanna Epinion-ip PFA sinnerlugu misissuineranit erserpoq.

Aperineqartut 2041-juusut amerlanersaasa oqaatigaa uippakajaarnermik namminneq imaluunniit qanigisartik eqqorneqarpat, tamatuma eqqartornissaanut piareersimallutik:

Arbejdsmedicinimi aamma uippakajaarnermi nakorsap, Bo Netterstrømip ammanerulerneq ilisarisinnaavaa. Nammineq misilissimanngikkaanni, taava taamatut atugaqarsimasumik ilisarisimasaqartoqartartoq Ritzau-mut oqarpoq.

- Inuit amerlasuut misigisarpaat inuit nukittuutut isigisaraluatik uippakajaarnermik eqqorneqartut. Inuillu eqqarsaatigilersarpaat tassunga eqquisinnaappat, taava aamma allanut tamanut eqquisinnaavoq, Bo Netterstrøm oqarpoq.

Sundhedsstyrelsenip kisitsisaasa upernaaq ersersippaat 2010-miit 2017-imut qallunaat uippakajaarnermik eqqorneqartarnerat qaffariaateqarsimasoq. Qallunaammi sisamaat eqqorneqartarsimammat, amerlasuunilu inuusunnerusut, ingasammillu arnat.

Bo Netterstrøm aamma Rikke Bay Haaber naapertorlugu misissuisimanerup arlalippassuarnut takutissimavaa uippakajaarneq qanoq atugaatiginersoq.

- Meeqqat inuusuttullu allaat uippakajaarpata, taava tamassuma takutippaa inissisititertarnerput pillugu oqaluuserinnillutalu iliuuseqartariaqartugut, Rikke Bay Haaber oqarpoq.

Uippakajaartarneq ammaffigineqarneruleraluartoq Bo Netterstrømip misilittagai naapertorlugit suliffeqarfinni aalajangersimasuni uippakajaartarneq suli paquminartutut isigineqarpoq.

- Suliffeqarfiit ilaanni uippakajaalerneq sanngiinnertut isigineqartarpoq. Eqqorneqarsimasunimmi arlalippassuarnik naapitaqartarpugut suleqatiminnut qanoq innerminnik oqaluttuarneq ajortunik, Bo Netterstrøm oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER