Nuuk

Ualimut takuuk: Skakkimi pissartarsuit unammisut

Nuuk aammaarluni Islandermiut skakfestivalertitsinerannut, ullumi aallartittumut unammiffiuvoq

Skakkimik soqutiginnittut skakmester Nigel Short nalunaaqutaq marlunut Nuuk Centerimi takusinnaavaat

Ullumi marlunngornermi Air Iceland Hrókurinn Skak Festival Nuuk Centerimi aallartissaaq, tamannalu nuani tamalaani pissartaasartut Nigel Shortip aamma Jóhann Hjartarsonillu unamminerannik pissaaq.

Nittartakkakkut takuneqarsinnaasut
Taakku skakkertartut nunarsuarmi ilisimaneqartut unamminera nalunaaqutaq 14:00 aallartissaaq.

Borgmester Asii Chemnitz Narup (IA) unamminermi aallarniisuussaaq. Pissartaasartut sisamariarlutik unammissapput, tamannalu malinnaaffigalugu nuannissasoq klubbi Sermitsiaq.Ag-mut neriorsuivoq.

Nuummi naapinneq annertooq
Unamminerit nittartakkakkut toqqaannartumik takutinneqassapput, skakkernermik nuannarisallik nunarsuarmit tamaneersut taamaalillutik isiginnaassapput.

Unamminerit taakku sisama uani nittartakkami takuneqarsinnaapput:

Tamanna ukiumoortumik skakkerluni festivalertoqarneranut atatillugu pissaaq, taanna Sermitsiaq.Ag-p siornatigut allaaserinikuuaa.

Atuaruk: Skakkertartut nunarsuarmi ilisarisimaneqartut Nuummut tikeraartut

Festivali nalunaaqutaq 11.00 aallartissaaq, pissartaasartut Omar Salama aamma Hrafn Jökulsson tamanut unammerusuttunut unammineranni.

Nuuk aamma Tunup sineriaa
Sapaatip-akunnerata sinnerani Nuummi skakkertitsinernik amerlasuunik pilersaaruteqarpoq. Nunatsinnut klubbip Islandimeersup Hrókurinnip ukioq mannaannaq aaqqissuussaasa pingajussaraat.

Islandermiut skakkertarut klubbiata Hrókurinnip Nuummi aamma Tunumi siornatigut aaqqissuussisareerpoq.

Atuaruk: Skak-ernermik neriunaatilik tappiitsoq Ittoqqortoormiini kuultinnappoq

Assit: Kulusumi skakkernermik ilitsersuineq

Powered by Labrador CMS