medier
TV-qarfiit radioqarfiillu siulittaasortaarput
Illoqarfinni radioqarfiit tv-qarfiillu peqatigiiffiat STTK nutaamik siulittaasortaarpoq
Jens Jørgen Nielsen Aasianneersoq STTK-mi siulittaasututut qinerneqarpoq peqatigiiffik immikkut ittumik pingasunngornermi unnukkut ataatsimeersuarmat. Ataatsimeersuaqataasut aamma aalajangerput peqatigiiffik ingerlaannassasoq peqatigiiffimmik nutaamik sisamanngornermi unnukkut aallartitsisoqarniaraluartoq.
Atuaruk: Knud Fleischer siulittaasutut tunualerpoq
Siumut naatsorsuutigineqareerpoq STTK ataatsimeersuarnermini nutaamik siulittaasortaassasoq. Knud Fleischer siusinnerusukkut nalunaareerpoq siulittaasutut tunuarniarluni. Tamannalu pingasunngornermi unnukkut piviusunngorpoq Jens Jørgen Nielsen Tusaat TV Aasianneersoq siulittaasutut qinigaammat.
- Ataatsimeersuarnermi isumaqatigiissutigineqarpoq kattuffik maannakkutut ingerlaannassasoq, taamaattorli kattuffik nukittorsarneqassasoq. Aamma isumaqatigiissutigineqarpoq ilaasortat ukiuni kingullerni aningaasaqarniarnikkut unamminartumik atugaqartut suliniarfineqarnissaat, STTKp siulittaasortaava Jens Jørgen Nielsen nalunaarpoq.
Atuaruk: TV-qarfiit peqatigiiffiliulerput
Siulersuisunngortut ukiuni marlunni atuuttussamik qinerneqarput.
Siulittaasoq: Jens Jørgen Nielsen Tusaat TV Aasiaat
Siulersuisuni ilaasortat: Kent Kielsen, Seekon Radio, Bea Broberg, Arfivik TV, Arkaluk B. Johansen, Tusaat TV Aasiaat, Jens Klaus Lennert, Sisimiut Tusaataat.