TV & Radio

TV-mi ajoqutaasoq paasineqarpoq aaqqiissutissaalu utaqqineqarluni

Sapaatip akunnerini arlalinngortuni tv-mut radiomullu attaveqaat akornuteqareersorlu maanna iluarsineqalerpoq. Kisianni DR-ip kinguartillugu qaqugu aallakaatinneqaleqqinnissaa nalunarpoq.

Teknikerit maanna ajoqutaasoq kiisami paasisimagaat, Tele-Post ilisimatitsivoq.

DR-ip Kalaallit Nunaannut akunnernik sisamanik kingusinerusukkut nassitsissutaa teknikkitigut akornuteqarsimavoq.

- Kiisami ajoqutaa teknikerinit paasineqarmat nuannaarutigaarput. DRip kanaliisa kingusinnerusukkut aallakaatinneqartarfiinut systemi qamikkatsiguli signali akornuteqarsimanngilaq. Kipisaqattaarneq ilaannikkuinnaq pisarsimammat ajoqutaa teknikeriniit paasiumaataarneqarsimavoq, ajortinneratigummi taamaallaat paasiniarneqarsinnaasimammat. Taamatut kipisaqatattaarnerup isiginnaartartunut tusarnaartartunullu akornusiisarsimanera assut ajuusaarutigaarput, attaveqaqatigiinnermut psiortaq Arnakkuluk Jo Kleist, tusagassiuutinut nalunaarummi oqarpoq.

Tele-Postimi systemimut tassunga atortulersuutinik nutaanik ikkussuineq suliarineqaleruttorpoq. Systemilli nutaap ikkunneqarnissaata tungaanut nunatsinni DR-ip TV-kkut kingusinnerusukkut aallakaatitaanik isiginnaartoqarsinnaanngikkallarpoq.

Maannakkuugallartoq qaqugu DR-ip kanaliinik piffissatigut nikingasumik isiginnaartoqalersinnaanersoq, ingerlatseqatigiiffiup oqaatigisinnaanngikkallarpaa.

Powered by Labrador CMS