tusarnaartitsineq
TV-2 marloriarlutik Nuummi tusarnaartitsissapput
Danskit nipilersortartut nuannarineqarluartut Hotel Hans Egedemi sisamanngornermi tallimanngornermilu tusarnaartitsissapput
Nipilersortartut TV-2 Steffen Brandt siuttoralugu Nuummi Hotel Hans Egedemi unnugu sisamanngornermi aqagulu tallimanngornermi tusarnaartitsissapput.
Nina Kreutzmann Jørgensen, Christian Elsner, Maasi aamma Malik Hegelund Olsen tusarnaartitsissapput.
TV-2-mi nuannarineqarnerpaat ’Sæler, hvaler og solskin’-imik ateqartumi tunisaalerneranut atatillugu tusarnaartitsisoqassaaq.
Saqqummersinneqartumi taallaq nutaaq 'Lucky You' aamma atorneqassaaq. Nipilersoqatigiit Nunatsinnut angalasarnerminnut misigisatik pillugit taalliaraat.
- Saqqummersitaq ’Sæler, hvaler og solskin’ tusarngaarterngaassavarput, TV-2-kkut atugaat allat aamma appinneqassapput, TV-2-mit nalunaarutigineqarpoq.
Isissutissat ikitsuinnanngorsimasut sisamanngornerup ullaavani nalunaarutigineqarpoq.