toqoraaneq
Tuttut toqoraavimmukaatilerpaat
Kujataani Tuttutuumi tuttut nujuitsut Narsami toqoraavimmi suliarineqassapput
Tuttunik nujuitsunik toqoraassamaalerneq Kommune Kujallermi suliffissaaleqiffiusumi qujarunneqarpoq. Pilersaarutaavoq tuttut nujuitsut 250-it ukiumut toqorarneqartassasut.
Nujuitsunik tuttuutilik Angaartaaq Janussen Tuttutuumeersoq aamma Narsami toqoraavik Neqi A/S tuttunik nujuartanik toqoraanissamut isumaqatigiissuteqarput.
Kommune Kujalleq nalunaarpoq tuttunik toqoraaneq pisassasoq savaaqqanik toqoraaneq naammassigaangat.
Tuttoqooq qeqertaavoq Narsap akinnguaniittoq. Pilersaarutaavoq tuttut qeqqami tassani toqorariarlugit Narsami neqilerivimmukaanneqartassasut tassanilu neqilerisunit inuusutissalerinermilu nakkutilliisunit suliarineqarlutik.
Toqoraanerup sivitsornera neqilerivimmi suliassaqarnerup sivitsorneranik kinguneqassaaq.
Kommune Kujallermi borgmesterip Jørgen Wæver Johansenip nuannaarutigaa imminut pilersorneq suliffissaqartitsinerlu kujataani ilorraap tungaanut nikeriarfiussammata.