Qooqqut
Tuttut snescooterinik Qooqquni malersorneqartut
Nuup Kangerluani Qooqquni tuttut sapaammi snescooterinik marlunnit malersorneqarlutik qasutinneqarput, ilaatigut tuttut pingasut imaanut qimaaneranik kinguneqartumik
Tuttut arlallit angutinit sisamanit snescooterinik marlunnik ingerlateqartunit qimminillu qaasuttunik pingasunik ilaqartunit, Nuup Kangerluani Qooqquni sapaammi qasutillugit malersorneqarsimapput, takunnittut 15-it angallammit isiginnaartuliullugit.
Taama knr.gl allappoq.
KNR-ip allaaserisaa naapertorlugu angutit sisamat snescooterinik tuttunik malersuipput imaanullu qimaatitsillutik.
- Tuttut pingasut immamiittut takuagut, taakkua nunamut qaqiniarsarinngillat qaqigunik qanoq pisoqassanersoq naatsorsuutigisinnaassagamikku, pisimasumut takunnittoq, kinaassutsiminilli isortuussisoq, KNR-imut taama oqaluttuarpoq.
Nuummi politiit uppernarsarpaat pisoq pillugu nalunaaruteqartoqarsimanera. Politiilli nalunaarutigineqartoq maanna misissuiffigigamikku annertunerusumik suli oqaaseqarfigerusunngilaat.