tuttunniarneq

Tuttunnialersinnak akuersissutit eqqaamakkit

Tuttunniarneq ullumi aallartippoq. Qaqqalialersinnak akuersissutit aaqqissimanissaat eqqaamajuk

Tuttunniarneq aallartippoq

Inuussutissarsiutigalugu piniartorpassuit sunngiffimmilu pinialuttartorpassuit tuttunniarneq aggustip aallaqqaataani unnuap-qeqqanut aallartereersorlu tuttumik ummiussereersimassapput.

Kisianni aallaasit patruunillu saniatigut akuersissutit pisariaqartut piginissaat aamma eqqaamasariaqarpoq.

Tamatumani aallaaniarsinnaanermut allagartaq, inummut tunngasoq aallaaniarsinnaatitaanermullu uppernarsaataasoq, kiisalu tuttunniarnissamut akuersissut, tuttunik qassinik pisaqarsinnaatitaanermut takussutissaasoq, pineqarput.

Atuaruk: Pinialuttartunut nutaarsiassatsialak

Tuttunniarneq sivisunerusoq

Sermitsiaq.AG-mi siusinnerusukkut allaaserineqareersutut ukioq manna pinialuttartunut nutaarsiassatsialaqarpoq, Naalakkersuisut aalajangersimammata taakkununnga tuttunniarneq ukiaq manna sapaatip-akunnerinik marlunnik sivisunerussasoq - tassa oktobarip 15-iata tungaanut.

Malittarisassat sullissivik.gl-imi qanimut atuakkit, tassani piniarnermut allagartamik aamma pissarsiniartoqarsinnaavoq.

Powered by Labrador CMS