Sukkorneq
Tusintillit ilisimanagu napparsimapput
Innuttaasut 7 procentii sukkornermik nappaateqarput amerlanerujussuillu taassuminnga nappaateqaleriaannaapput
Qaneq panertoq, meriannguneq, isikujoorneq ikkillu mamissinnaanngitsut.
Tassa inooriaatsimik nappaatip Type 2 Diabetes-ip takussutissartai erloqinannginnerusut, nappaallu taanna ukiuni arlalinni inuiaqatigiinni ilisimaneqarani ulorianartorsiortitsisimavoq. Tassami amerlasuut ilisimanagu nappaat atugaraat, sulilu amerlanerit atugarilersinnaallugu.
Katsorsartinnissamut periarfissaqarluarpoq
Ullumikkullu katsortartinnissamut periarfissat amerlagaluartut nappaat taanna atoraanni amerlasuutigut sulisinnaajunaanermik inuunerullu ajornerulerneranik kinguneqartarpoq.
– Ukiuni arlalinni misissuisimnitsigut paasisimavarput sukkorneq innuttaasut 7 procentiisa akornannit atugaasoq, Marit Eika Jørgensen oqarpoq, taannalu Steno Diabetes Centerimi nakorsaaneruvoq aammalu Kalaallit Nunaanni sukkornerup misissuiffigineqarnerani annertuumi pisortaalluni.
Taamaasilluni diabetes 2-mik nappaatillit - aamma "utoqqaat nappaataattut" ilisimaneqartumik - 40-ukkunni ukiullit amerlasuut atugarigaluaraat, nunatsinni Danmarkiminngarnit marloraataa angullugu atugaavoq.
Diabetes 2 qanoq pitsaaliorneqarsinnaanersoq AG-mi atuaruk