TV-kkut aallakaatitassiaq
Tusartaat naalaarniarpoq
KNR-TVp nipilersukkanik aallakaatitassiaani Tusartaammi isiginnaartartut peqataatinneqassapput
Nipilersukkanik isiginnaagassiaq ‘Tusartaat’ sisamanngornermi unnukkut aallarteqqippoq isiginnaartullu kissaatiminik inuulluaqqussutinillu nassiussinissamut periarfissinneqarput.
Tusartaammi saqqummiisartoq Lu Engell maanna ingilluartaareerpoq aallakaatitsivimmi sofalimmi, pisoqqamik fjernsynilimmi aammalu pisoqasaamik nintendomik pinnguaatitalimmi. Isiginnaartartut aamma periarfissaqarput inuulluaqqusillutillu kissaateqarnissaminnut.
- Sisamanngornikkut aallakaatitsinermi isiginnaartartut takorusutaat sammineqartassapput, taakkulu attavigineqartassapput Tusartaatip facebookprofil-ia atorlugu. facebook.com/tusartaat aqqutigalugu assinik, inuulluaqqussutinik kissaatinillu nassitsisoqasinnaavoq. Nutaaliornerit inuusuttut pingaartillugit iliuuseqarnerupput aamma aallakaatitassiaq ´Tusartaat`ip inuiaqatigiinnit pigineqarnera eqqarsaatigalugu, aallakaatitassiortoq Lu Engell oqarpoq.