aatsitassat

Tusarniaanerup sivitsornera Tanbreezip ilalerpaa

Killavaat Alannguanni aatsitassarsiornermi avatangiisit sunnerneqarpiassanngillat, aatsitassarsiortitseqatigiiffik Tanbreez Mining nalunaarpoq

Killavaat Alannguanni aatsitassarsiornissap tusarniaassutigineqarnerata sivitsorneqarnera Tanbreez Miningip ilalerpaa

Saffiugassanik qaqutigoortunik Killavaat Alannguanni aatsitassarsiorniarneq pillugu tusarniaarnerup sivitsorneqarenra aatsitassarsiortitseqatigiit Tanbreez Miningimeersut tusaatissatut tiguaat. Innuttaasut peqataatinneqarnerunissaannik piumasaqarlutik NGOt suleqatigiissut kimigiisernerisigut tamanna pivoq.

Killavaat Alannguanni aatsitassarsiornissaq pillugu tusarniaarnerup decemberip aappaani naanngilaarnerani Tanbreez Mining nalunaarutinik teknikkimut tunngasunik tusarniaanermi najoqqutassanut ilanngussivoq. Tamanna pimmat inuttaasut peqataatinneqarnerunissaannik siunertaqartumik NGOt suleqatigiit piumasaraat tusarniaaneq januarip 20-anut sivitsorneqassasoq. Tusarniaanerlu manna decemberip arferanut sivitsorneqarpoq.

- TANBREEZ avatangiisinut ajortumik sunniinissamut soqutigisaqanngilaq, tamanna Kalaallit Nunaata kujataani tusarniaannerni uppernarsereerparput. Suleriaatsit ataqqigatsigit, isumaqarpugut pingaaruteqartoq susassallit ataatsimoortut ataasiakkaallu apeqqutissatik, Tanbreez Miningimi ujarassiuut pisortaat Greg Barnes oqarpoq.

Suli nalunarpoq Killavaat Alannguanni Tanbreez Miningip saffiugassanik qaqutigoortunik qalluisinnaanissamut qinnuteqaataa qaqugu naalakkersuisunit isummerfigineqarumaarnersoq.

Tanbreez Mining siusinnerusukkut nalunaareerpoq aatsitassarsiorfissap sananeranut 2014-ip 2015-illu atornissaat naatsorsuutigalugu.

Powered by Labrador CMS