Kommunimut qinersineq 2017

Tusamaasaaneq malunnaateqanngilaq

Inuit allatigut ilisarisimaneqartunit politikkikkut misilittagallit qinersisartut taagorusunneruaat

Piggappaat, Hans Jukku Noahsen, Stafetløb, Tele-Post, Aasiaat, Gør Maj Sund

Aliikkusersuinermit, imerniartarfinnik ingerlatsinermit imaluunnit arsaattunik sungiusaasarneq Kommuneqarfik Sermersuumi qinersisartunut orniginanngilaq.

Politikkimik misilittagaqarnermik takutitsisinnaasut ersarissumik taarusunneruaat.

IA aamma Siumut tusaamaneqartunik qinigassanngortitaqarput, kisianni taakku isinngitsoorput.

Tusaamasat qinigaanngitsoortut
Hans Jukku Noahsen KNR-imi aliikkutassianik aallakaatitsisuusarpoq, taamatullu toqqaannartumik saqqummertarnera nuannarineqartarluni.

Kisianni taanna kommunimi qinikkatut saqqummernavianngilaq. 44-nik taamaallaat taaneqarluni IA-p kommunimut qinigassanngortitaani 13-itut inissippoq.

Imerniartarfiutilik Nicolai J. Nissen ersarissumik sakkortuumillu Siumumit qineqqusaarpoq. Kisianni immiugaata illuanik inuit tamanna mamarineqanngilaq. 63-nit taaguunneqarluni Siumumi 13-itut inissippoq. Partii kommunalbestyrelsimi arfiniliinnarnik inissarsiniarpasippoq.

Isikkammik arsaattartut sungiusaasut Tekle Ghebrelul aamma kommunimi qinikkat akornanniinnavianngilaq. IA-mit qinigassanngortittoq 37-iinnarnik taaguunneqarpoq.

Heller ikke foldboldlandstræner Tekle Ghebrelul bliver at finde i byrådet. IA-kandidaten måtte nøjes med 37 stemmer.

Nuna tamakkerlugu politikeriusut taaguunneqarluartut
Illuanik Demokraatit siuariaateqarput. Nuna tamakkerlugu politikerit ilisimaneqartut Kommuneqarfik Sermersuumi qinigassanngortippaat. Nivi Olsen aamma Randi Vestergaard Evaldsen taaguulluarneqartillugit partii qinigaalluarpoq. Justus Hansen kommunalbestyrelsimi partiip ilaasortaatitaasa pingajorissavaat.

Tusaamasa malunnaateqannginneranni qinersisartut inuiaqatigiinni pimoorussineq akilerpaat. Kalaallit Nunaanni Inuit pisinnaatitaaffii pillugit siunnersuisoqatigiinni siulittaasuusimasoq, Inge Olsvig Brandt IA-p allattorsimaffiani sisamaattut inissippoq, taamaalillunilu kommunalbestyrelsimut ilanngunnissani qulakkeerpaa.

Jens-Erik aamma Nick pakatsisut
Illuanik naalakkersuisuusimasut isinngitsoorput. Naak Jens-Erik Kirkegaard (S) aamma Nick Nielsen (IA) ersarissumik qineqqusaaraluartut, taakku kommunalbestyrelsimut isissamaarpasinngillat.

Powered by Labrador CMS