Greenland Express
Tusagassiuuteqarfik: Greenland Expressip suliffeqarfik una suleqatigilerpaa
Timmisartuutileqatigiiffimmi pisortaasoq Gert Brask Denim Air suleqatigiunnaarpaa - timmisartuutileqatigiiffimmillu allamik suleqateqalerluni
(Pisortaasoq oqaaseqartinneqarneranik imaqarluni allaaserisaq nalunaaqutaq 12.06 nutarterneqarpoq)
Portugalimi timmisartuutileqatigiiffik White Airways kalaallit timmisartuutileqatigiiffiannik Greenland Expressimik suleqateqartussanngorunarpoq. Nutaarsiassaq tallimanngornermi tamanna atuarneqarsinnaavoq.
White Airways Lissabonimi allaffeqarfeqarpoq. Nutaarsiassaqartitsivik News To Date naapertolugu timmisartuutileqatigiiffik arfineq pingasunik timmisartuuteqarpoq pingasunillu Airbus A320-200-nik timmisartoqarluni. Taakkunannga arlaat Billundimit timmisartuussisalissasoq naatsorsuutigineqarpoq. Greenland Expressip timmisartuussinissani juunip 14-anut kinguarteqqammerpai.
Københavnimit timmisartuussisoqartassasoq Greenland Expressimit aamma nalunaarutigeqareerpoq.
Allamik aamma suleqateqalersinnaaneq
Greenland Expressip pisortaa Gert Brask oqaluukkaanni, qanoq iliuuseqartoqassanersoq paasiuminaassinnaavoq. White Airways suleqatigineqalersinnaasoq oqaatigaa, allamilli suliffeqarfimmik suleqateqarsinnaallutik aamma oqaartigaa.
- Suliffeqarfik taanna suleqatigineqassanersoq suli qulakkiiveqqanngilaq. Marlunnik suli periarfissaqarpugut, Gert Brask Sermitsiaq.AG-mut oqarpoq.
Gert Brask Sermitsiaq.AG-mit aperineqarpoq itinerusumik apersuisoqarsinnaanersoq