tusagassiorfiit
Tusagassiortut kikkunnik illersuippat?
Universitetimi ilinniartoq allaaserisarpassuarnik KNR-imilu ilanngutassiarpassuarnik misissuisimavoq paasiniarlugu tusagassiortut isorinnippasissumik suleriaaseqarnersut politikkikkullu partiinik naapertuilluartumik pinnittarnersut
Aviisit KNR-ilu partiit naalakkersuisoqatigiit pingaartumillu Siumut tunulliullugit illuatungiliuttunik salliutitsisutut akuttunngitsumik avoqqaarineqartarput.
Marie Albøg Jespersen Roskilde Universitetimi immikkut soraarummeerutitut allaaserisaminut atatillugu Kalaallit Nunaanni allaaserisanik ilanngutassianillu 381-inik misissueqqissaarsimavoq, ilaatigut tamanna ilumoornersoq qulaajaaviginiarlugu.
Atuaruk: Siunnersuut: Tusagassiorfiit kalaallisut oqaatsitik pitsanngortittariaqarpaat
Naalakkersuisoqatigiit tusarfiunerusartut
Inerniliussaalu erseqqippoq: Politikkikkut tusarfiit akornanni Siumut partiini issuarneqarnerpaatut inissippoq, Siumut politikkikkut tusarfiit tamarmiusut akornanni tusarfiit 55 procentiinut tunngaviummat.
Tamatumunnga sanilliullugu IA tusarfiit 15 procentiinuinnaq tunngaviuvoq. Kisitsinikkut taamaalilluni illuatungiliuttut tusagassiuutinit akulikinnerusumik oqaaseqartinneqartarnerannik ilimagisaagaluaq tunuartinneqarpoq.
Tamatumami akerlianik partiit naalakkersuisuutitaqartut akulikinnerusumik tusarniaaviginartarnerat takutinneqarpoq, Maria Albøg Jespersen, soraarummeerutitut allaaserisaminik specialemik illersueqqammersoq, oqarpoq.
Atuaruk: Isornartorsiuisoqarnera Siumumit oqaaseqarfigineqarumanngitsoq
Allaaserisaq tamaat uani sapaatip akunnerani AG-mi saqqummertumi atuaruk, taanna ullumi pisiniarfinni pisiarisinnaavat. Aviisi uani aamma pisiarineqarsinnaavoq: