Angallanneq
Tusagassiorfik: Kiffartuussinermut isumaqatigiissutit suli atsiorneqanngillat
Angallannermut tunngatillugu kiffartuussinermut isumaqatigiissutinik suli atsioqatigiittoqanngilaq
Ineqarnermut, sanaartornermut attaveqarnermullu naalakkersuisup Knud Kristiansenip (A) sapaatip akunnerisa marluk matuma siorna nalunaarutigaa, angallannermut kiffartuussinissamut isumaqatigiissutit inissinneqarsimasut.
Kiffartuussinermulli isumaqatigiissutit suli naammassillugit isumaqaitigiissutigineqanngillat, aammalu isumaqatigiissutinik suli atsiortoqarsimanngilaq.
Ineqarnermut, Sanaartornermut Attaveqarnermullu Naalakkersuisoqarfimmi pisortap, Andreas Østbirkip, tamanna illoqarfiit pingaarnersaanni tv-eqarfimmut Nuuk TV-mut uppernarsarpaa.
Atuaruk: Kiffartuussinissamut isumaqatigiissutit maanna inissipput
Namminersorlutik Oqartussat utaqqineqartut
Taamaammat Avannaanut, Qeqertarsuup Tunuanut, Kujataanut Tunumullu kiffartuussinermut isumaqatigiissutinik suli atsiortoqanngilaq.
Atuaruk: Akerliusut Knud Kristiansen oqaloqatigerusuppaat
Air Greenlandip aamma tv-eqarfimmut ilisimatitsissutigaa, timmisartortitsiviup aamma Disko Linep akornanni oqaloqatigiinnerit kinguartinneqartut.
Taakku ingerlatseqatigiiffiit Namminersorlutik Oqartussanik isumaqatiginninniarnerit inissinnissaat utaqqivaat, kiffartuussinermut isumaqatigiissutit taamaalillutik atsiorneqarsinnaaniassammata.
Atuaruk: Knud Kristiansenip ilaasunut ingerlaqqissinnaanngitsunut aaqqiissummut ammaassivoq
Nuuk TV-mi ilanngutassiaq uani takuuk: