ingen kommentarer
Tusagassiorfiit: Sulerivit, Aleqa?
Pingasunngornermi ualip ingerlanerani Facebookimi arfineq-marloriarluni paasissutissiisoqarpoq, tusagassiorfinnilli nunami Naalakkersuisut siulittaasuat pissarsiarineqarsinnaanngilaq
Naalakkersuisunut ilaasortap Vittus Qujaukitsup parteeqataatalu Per Berthelsenip ammasumik akerleriinnerat minnerunngitsumillu eqqartuussiveqarnermi pisortap Andreas Salmoni-p soraarsinneqarnera pillugit Naalakkersuisut siulittaasuata Aleqa Hammondip, Siumut, oqaaseqarnissaa innuttaasut utaqqigaat, taarsiullugu namminersorlutik oqartussat paasissutissiisarfiata Hammondip Nersornaammik kuultimik nersornaaserneqarnera nittarsaappaa.
Taamatut knr.gl-ikkut allappoq KNR, Aleqa Hammondip innuttaasunik paasissutisseeriaasianut oqaaseqaatitut.
– Taarsiullugu atuarparput Aleqa Hammondip uagut, Facebookimi ikinngutini, oqaluttuuppaatigut ippernanik kiitinnerminik ujaqqanillu eqqaassutissiamik. Hammond suleriva, KNR nittartakkamini oqaaseqaammini allappoq.
Atuaruk: "Oqaaseqaat: Aleqap nipangersimanersua"
Nangillunilu:
– Hammondip AG-mi siuliani saqqummersumi paasissutissiineratut telefoneqarani angerlarsimaffini qimanngisaannaraluarpaa, kangerlummiikkaangamilu telefoni satellitsikkut attavilik nassartarlugu. Ataqqinaataalluarpoq tamatigut attaveqarfigineqarsinnaanissaq, pitsaanngilluinnarporli tamanna taamaallaat atuutissappat nersornaatinik tunniussinermi imaluunniit sanigorsarneq ilaqutariinnilu inuuneq oqaluttuarineqassagaangata.
AG sapaatip akunnerani saqqummersoq Aleqa Hammond pillugu pingaarnertut allaaserisalik "Igami qernertumi", pisiariuk uani: