tusagassiuutit
Tusagassiivik Sermitsiaq.AGp amigartoornissani naatsorsuutigaa
Ukiuni arlaqartuni Tusagassiivik Sermitsiaq.AG aningaasaqarnikkut ingerlalluareerluni aningaasaqarnermik ingerlanerliornermit eqqorneqarpoq
Kalaallit Nunaata aningaasaqarnikkut ingerlanerlunnera Tusagassiivik Sermitsiaq.AG-mut aamma sunniuteqarpoq. Tusagassiivik Sermitsiaq.AG-mit aviisit Sermitsiaq aamma AG saqqummertarput kiisalu aamma nittartakkakkut nutaarsiassaqartitsisarluni. Ussassaarutit ikinnerulersimanerat aamma maluginiarneqarpoq.
- Aningaasaqarneq qaammatini arfineq pingasuni kingullerni taamatut ingerlaannassappat isertinneqartut 2013-mit ikinnerussapput. Tusagassiiviup amigartooruteqarnissaa naatsorsuutigineqarpoq, Tusagassiivik Sermitsiaq.AG-mi pisortaq Poul Krarup siulersuisunik ataatsimeeqateqareerluni oqarpoq.
Naak Sermitsiaq.AG-mip isertitai annikilligaluartut arlaatigut ingerlatsinermut eqquissanngilaq.
Tusagassiivimmut aningaasat tapiissutigineqartut annikillinerat malugineqarpoq, taamaattorli Tusagassiivittut suli ingerlalluarsinnaavoq. Taamaakkaluartorli aningaasarsiornerup qanoq inissisimanera siulersuisunit malinnaaffigineqassaaq.
Kalaallit Nunaanni tusagassioriaatsip inissisimanera pillugu AG-mi atuartoqarsinnaavoq. Aviisi ataani pisiariuk: