Nuummi Sisimiunilu

Tusaamasaq Florent Vollant Sisimiuni aamma tusarnaartitsissaaq

Nipilersortartoq canadameersoq Taseralimmi arfininngorpat tusarnaartitsissaaq. Nuummi tallimanngorpat tusarnaartitseqqaassaaq

Florent Vollant Kashtinnikkunni 90-ikkunni nipilersoqataasarpoq

Nipilersortartoq tusaamasaq canadameersoq Sisimiuni kulturikkut illorsuarmi Taseralimmi arfininngorpat tusarnaartitsissaaq.

Inersuarmi tusarnaartitsivissami issiaviit tulasinneqassapput, taamaasillutik inuit nikorfaannarsinnaallutik qitinnissamut periarfissaqarlutik. Nuummi kulturikkut illorsuaq Katuaq suleqatigineratigut Florent Vollant Sisimiuni tusarnaartitsissaaq aamma. Nuummi tallimanngorpat Katuami tusarnaartitsissaaq.

Florent Vollant 90-ikkunni Kasthinikkunni nipilersortutut tusaamaneqarluarpoq. Innuaimunisut Indianersisut oqaatsimittut erinarsoriaaseqaraluartut, kalaalerpassuit ingiorlugu erinarsoqataasarput.

Florent Vollantip nammineerluni erinniani appisimaassavai, soorunami aamma Kasthinikkut qanga atortagaannik aliannaarnartoqasaaq.

Powered by Labrador CMS