Tasiilaq

Tunumi sila suli nerumappoq

Ukiassarluareeraluartoq Tasiilami suli qerinnalersimanngilaq

Tasiilami sila suli nerumappoq

Ukiaq manna Tasiilaq qaqutigoortumik kiassimaqaaq, taamatut paasissutissiivoq DMI:

Ukioq taama ingerlalluareertigisoq tunumi illoqarfimmi tassani suli qerinnalersimanngilaq.

Kingullermik juunip 8-anni
– Ukiakkut qerinnalertarnera qanillinersaavarput oktobarip aallaqqaataani unnuap qeqqata missaani, taamanikkut sila 0 gradimiilluni kiannanilu nillinngimmat. Taannali periusersortarneq pissutigalugu septembarimut takussutissanut ilaavoq. Kingullermik Tasiilami qerinnarneq misigineqarpoq juunip arfineq-pingajuanni, taamanikut 1,3˚C-mik nillissuseqarmat, silasiortuuneq John Cappelen DMI.dk-mut oqarpoq.

1895-imiilli
DMI Tasiilap kiassusaanik uuttortaasalersimavoq 1895-imiilli, ukiullu ingerlaneranni ukiuni arfiniliinnarni septembarimi qerinnartarsimanngilaq.

Powered by Labrador CMS