nannut

Tunumi nannut kisinneqassasut

Silaannaap allanngoriartornerata ilutigisaanik nannut ikiliartulersimapput, tamanna Alaskami Canadamilu ilisimatusarnerit paasinarsisippaat, taamaattorli Kalaallit Nunaanni nannut pillugit ilisimasat amigaataapput. Ilisimatusarnerup nutaap tunumi nannut qanoq amerlatiginerinik paasiniaanermik imaqassaa

Eqqaaviit upperarnikut graffitinillu qalipannikut akornanni nanoq saluttoq illoqarfissuarmi nerisassarsiorpoq.

Pinngortitamiit sungiusimalluakkaminit sumiiffigisariaqaraluakkaminit sikoqarluartumit betoninik natilersorsimasumi ingerlaarpoq, inuillu takunngitsuusaaginnarpaat, nipilersuullu ilisisunut tulluartoq appisimaarneqarluni.

Tassa taamatut aarlerisaarisoqarpoq. Greenpeace Youtubemi misigissutsinut tunngasunik tiguaaniummik filmeeraliorsimapput, taannalu inunnit millioninit isiginnaarneqarsimavoq, nunarsuup qanoq inissisimaneranik oqariartuuteqarluni, nunarsuarmilu inuit issittumi nannumik qanoq isiginnittariaaseqarneranik oqaluttuartuulluni: nungunnissaa aarlerinarseqqavoq!

Inuit piniapilunnerisa silaannaallu kissatsikkiartornerata kingorna nannup nerisassai ajornarsisimapput. Piviusorli allarluinnaavoq. Naak nunarsuarmi nannut amerlassusaat 19-iusutut taaneqarsimagaluartut suli nalornisoqarpoq, oqallinnermilu ilisarnaataalluartoq tassaalluni ilisimasakinneq. Aamma tunumi nannut sumiiffinni annertuuni siaruarsimasut pillugit.

Allaaserineqartoq tamaat AG-mi atuarneqarsinnaavoq. Aviisi ataani pisiarineqarsinnaavoq:

Powered by Labrador CMS