Inatsisit tunngaviusut
Tunngaviusunik inatsisinut piumasaqaat nutaaq
Partiit illua'tungiliuttut marluk inatsisinut tunngaviusunut ataatsimiititaliorniarput
Inatsisartut ukiakkut ataatsimiinneranni Partii Naleqqap siunnersuutiginiarpaa Kalaallit Nunaat nammineq tunngaviusunik inatsiseqalissasoq.
Siunnersuut Inuit Ataqatigiinnit taperserneqarpoq.
2011-mili Inatsisartut aalajangiipput kalaallit inatsisaannut tunngaviusunut piareersaataasumik sulineq Naalakkersuisut aallartissagaat. 2013-imili qinersisoqarnerani tamanna unittoorpoq.
Kim Kielsen isumaqarpoq Inatsisartut aalajangissagaat suliaq nanginneqassanersoq.
Ukiut ingerlanerani nammineq tunngaviusunik inatsiseqalernissaq arlalippassuariarluni sammineqartarpoq.
2007-mili taamanikkut naalakkersuisut siulittaasuat Hans Enoksen nalunaaruteqarpoq Kalaallit Nunaat Tunngaviusunik Inatsisitaassasoq. Taamatut nalunaaruteqarpoq Siumup 30-inngortorsiorluni Qaqortumi nalliuttorsiornerani.
2011-mi Johan Lund Olsen nalunaaruteqarpoq Kalaallit Nunaat nammineq tunngaviusunik inatsiseqassasoq.
Suliarli aallartinneqanngilaq.
2014-imi aasakkut Aleqa Hammond inatsisinut tunngaviusunut kommissioniliornialeraluarpoq.
Kalaallit namminneq tunngaviusumik inatsisitaarnissaannik piumasaqaatit nutaat pillugit Sermitsiami sapaatip akunnerata naanerani saqqummersumi annertunerusumik atuarit.
Aviisi pisiarisinnaavat uani: