Tunngaviusumik inatsissaq pillugu Isumalioqatigiissitami kiisami pisoqalerpoq

Tunngaviusumik inatsisissaq pillugu Isumalioqatigiissitap suliassaa pillugu nassuiaammut missingiut kiisalu piumasaqaatit tamatumunnga ilaasut Naalakkersuisut akueraat, Tunngavisumik inatsisissaq pillugu Isumalioqatigiissitamut tunngasumut ataatsimiititaliamut nassiullugu.

Vittu ingerlatsisuuvoq

Missingiummut akisussaaffik Aningaasaqarnermut Naalakkersuisumut Vittus Qujaukitsumut tunniunneqarsimavoq. Naalakkersuisoqatigiit siulianni taassuma akisussaaffik tigummivaa, maannakkullu naalakkersuisoqatigiit pilersinneqarnerannut atatillugu naalakkersuisoqarfiit agguataarneqarnerannut atatillugu akisussaaffigiinnarpai.

Aningaasaqarnermut Naalakkersuisoqarfiup missingiutip Sermitsiaq.AG-mut allagaatinik takunnikkumasumut tunniunnissaa itigartitsissutigaa.

Vittus Qujaukitsup suliassanik nassuiaatip qanoq allanngortiginissaa pillugu juulimi erseqqissumik nalunaaruteqarsinnaanini juunimi Sermitsiaq.AG-mut ilisimatitsissutigaa.

Partiit tusaaneqartut

Aasaanera sioqqullugu partiit isumaannik tusaaniarluni oqaloqatiginnippoq, maannakkullu aatsaat – qaammatit arlallit qaangiuttut – suliaq ingerlateqqinneqalerpoq.

Vittus Qujaukitsoq juunimi ima oqarpoq:

‘’Tunngaviusumik Inatsisissaq pillugu Isumalioqatigiissitaqsiuliani sulisimanerata uteqqinnginnissaa sapinngisamik anguniarpara. Taamaattumik Inatsisartuni Naalakkersuisunilu partiit oqaloqatigineranit suliassap tunngavia misissoqqinneqarpoq. Suliassap tunngavia ilusilersorneqassaaq nalornissutigineqannginnissaa qulakkeerneqarniassammat. Tamattami ilisimavarput ”tuaviuussat suliarinerlutaasartut”, taamaattumik suliassap tunngaviata Tunngaviusumik Inatsisissaq pillugu Isumalioqatigiissitami pitsaasuunissaa anguniarnerani piffissaqartitaarusuppunga.’’

Ajornartorsiutitpingasut

Ajornartorsiutit pingasut juunimi qaqinneqartut:

• Isumalioqatigiissitap katitigaanera nalilersoqqinneqassaaq, naalakkersuisooqatigiinnissami isumaqatigiissummi partiit ilaasortaatitarerusutatik kiffaanngissuseqarlutik innersuussinissamut aalajangeerusukkamik.
• Kiffaanngissuseqarluni ilaasortassanik innersuussuteqarnermi qinigaanngitsunik toqqaasoqassappat qanoq iliornissamut piareersaatinik tekniskiusunik sanasoqassasoq, aammalu
• Tunngaviusumik Inatsisissaq pillugu Isumalioqatigiissitapsuut suliassarpiaanersut ersarissumik allassimasariaqarnersut ilanngutissagai, isumaliutissiissutigineqannginnerani innersuussutigineqannginneranilu.

Vittus Qujaukitsup Sermitsiaq.AG-mut oqaatiginikuuaa, ‘’partiit nammineerlutik isumalioqatigiissitami sinniisassaminnik toqqaasinnaassasut’’. Inuit Ataqatigiinnit ilaatigut siornatigut piumasaqaatigineqarnikuusoq.

Inatsisartut nittartagaanni allaqqasoq naapertorlugu isumalioqatigiissitamut ataatsimiititaliami Anders Olsen Siumumeersoq siulittaasuuvoq.