namminersorneq
Tunngaviusumik inatsimmut isumassarsiorneq
Savalimmiormiut inatsisinut tunngaviusunut allannermut misilittagaannik Suka K. Frederiksen paasiniaajartortoq
Savalimmiuni piffissami sivisuumi inatsisinut tunngaviusumik suliaqarnermik ingerlatsisoqareerpoq. Lagtingip aappaagu tunngaviusumik inatsisissaq taasititsissutiginissaanut nassiutissallugu naatsorsuutigaa.
Savalimmiullu naalakkersuisuisa misilittagarilersimasaat namminersornermut, pinngortitamut, avatangiisinut nunalerinermullu naalakkersuisup Suka K. Frederiksenip (S) atorluarusuppai.
Taamaammat sapaatip-akunnerani matumani qanoq pisoqarsimanera tusarniarlugu qeqertanut tikeraarpoq.
Atuaruk: Tunngaviusumik inatsisiliornissamut ataatsimiititaliaq Inatsisartunit suliaripallanneqartoq
Lagmandimik ataatsimeeqateqarneq
Ullumikkut Savalimmiormiut lagmandiat Aksel V. Johannesen ataatsimeeqatigaa, taanna Savalimmiunut inatsisinut tunngaviusussat nutaat suliarineqarnerisa killiffiat pillugu ilisimatitsivoq.
- Isumaqarpunga nunat namminiilivinnissamut qanoq alloriartarnerannut tunngatillugu Savalimmiut aamma Kalaallit Nunaat misilittakkanik paarlaasseqatigiinnissaat pissusissamisoorluinnartoq, Suka K. Frederiksen oqarpoq.
Atuaruk: Tunngaviusumik inatsisissamut isumalioqatigiissitamut amerlanerussuteqartut
Inatsisit assigiinngitsut
Naalakkersuisup misilittakkat sulinermini atorluarsinnaallugit isumaqarpoq.
- Aalajangersimalluinnartumik maannakkut Kalaallit Nunaanni inatsisinut tunngaviusussanut isumalioqatigiissitamik pilersitsinitsinni, Savalimmiut inatsisinut tunngaviusussanut missingiummik allannerminni misilittagaat annertoorujussuarmik iluaqutigisinnaavagut.
Tunngaviusumilli inatsisissanik suliniutit taakku marluk assigiinngissuteqarput. Savalimmiormiut inatsisissamut missingiummik suliaqarnerat danskit tunngaviusumik inatsisaasa sinaakkutaasa iluanni ingerlanneqarpoq. Illuanillu Nunatsinni tunngaviusumik inatsisissanut isumalioqatigiissitaq Kalaallit Nunaata namminersornerani atortussanik suliaqassaaq.
Atuaruk: Kalaallit Nunaata Savalimmiullu nukissiornikkut suleqatigiinnertik nukittorsarpaat
Avatangiisit aamma imminut pilersorneq
Namminersornermut, pinngortitamut, avatangiisinut nunalerinermullu naalakkersuisup aamma imminut pilersorneq paasisaqarfiginiarlugu Savalimmiormiut immuliorfiat pulaarniarpaa, kiisalu avatangiisinut aamma silap pissusaanut suliassaqarfimmi suleqatigiinneq pillugu, Savalimmiuni nunamut namminermut peqqissutsimullu ministeri Sirið Stenberg ataatsimeeqatigissavaa.