Aalisakkanik tunisassiorneq

Tunitsivik aalisarnermut pingaaruteqarluartussaq

Royal Greenland ippassaq tallimanngornermi novembarip 14-ianni Aappilattumi kaffillerpoq, Kalaallit Nunaanni nunaqarfiit kujallersaanni aalisartut qulit tunitsiveqalernerat nalliussiniarlugu

Royal Greenland, indhandlingsanlæg, Aappilattoq
Kujataani Aappilattumi tulitsivik tallimanngormat ammarnersiorneqarpoq, nunaqarfimmilu aalisartunut qulinut akuersissutilinnut pingaaruteqassaaq. Royal GreenlandNalliuttorsiorneq pisarnertut eqqarnermik ilaqartinneqarpoq. Royal GreelandAappilattormiut ulloq nalliussivaat. Royal Greeland

Tallimanngormat tunitsivittaarneq nalliuttorsiutigalugu Aappilattumi nunaqarfimmiut tamarmik kaffillernermi ikiuupput, tunitsivill nunaqarfimmi aalisartunuinnaanngitrsoq, aammattaarli Kujataani sumiiffinni allani aalisartunut iluaqutaassaaq. Taamatut Royal Greenland nittartakkamini oqaluttuarpoq.

– Kiisami kikkut tamarmik utaqqisaat piviusunngorpoq. Meeqqat atuartut nunaqarfimmiullu piumassutsiminnik kaagiliorput, Kommune Kujalliup aallartitaa lagkagiliassarpassuarnik pisiortorpoq uangalu kaagiliassanik nassarlunga tikippunga, Niel Sakariassen Narsami tunisassiorfimmi ingerlatsisoq Aappilattumi tunisassiorfimmik ammaajartorsimasoq oqarpoq.

Tunisassiorfiup ammarneqarnissaa sivisujaamik erinigineqarsimavoq, taamaammallu ulloq qaammat nal. ataatsimiit sisamat tungaannut persuarsiutaasumik kaffilliutigineqarpoq, meeqqallu sodavandisortinneqarput.

Tunisassiorfik tulassuinissamut ammassaaq ataasinngorpat novembarip 17-iani ullaakkut arfineq pingasunut. Tunisassiorfillu tamatuma kingorna ataasinngornermiit tallimanngornermut ullaakkut arfineq pingasuniit ualikkut sisamat tungaannut ammasassaaq.

– Tulaassuisoqalernissaa neriulluarfigaarput. Aappilattumi aalisartut aalisarsinnaanermut aallagartallit qulit missaanniipput, kisianni aamma pujortuleeqqat Narsameersut, Qaqortumeersut Nanortalimmeersullu nunaqarfimmi tulaassuilernissaminnut qilanaarput, Niels Sakariassen oqarpoq.

Tunitsivimmut saarulliit qalerallillu tunineqarsinnaagallassapput, kingornalu aamma qeeqqat suluppaakkallu tunineqarsinnaalissapput.

Powered by Labrador CMS