Tunisassiorfiup nutaap qaleraleqarlualernerani atorneqarsinnaassaaq

Tunisassiornerup sapaatip akunnerata tulliani aallartinnissaa naatsorsuutigineqarpoq.

Sapaatip akunnerani 50-imi aallartissasoq
- Aappilattumi tunisassiorfimmik nutaajusimik sanaartornermi atortussanik tunniussinerit kingulliit sapaatip akunnerani uani pissappata Aappilattumi Royal Greenlandip tunisassiorfissaa nutaaq sapaatip akunnerata tulliani tunisassiorluni aallartissinnaassaaq, Royal Greenlandimi teknikkikkut suliani aqutsisoq, Niels Bak, Royal Greenlandip nittartagaanut oqarpoq.

Aappilattumi Royal Greenlandip tunisassiorfigisimasaa 2017-imi junimi isaterneqarpoq.

- Aappilattumi tunisassiorfup nutaap sanaartorlugu naammassineqarnissaa pilersaarut naapertorlugu qaammammik ataatsimik kinguaattoorfiuvoq. Kinguaattoorneq ilaatigut sanaartornermi atortussat kingusinaarlutik tunniunneqarnerannik aamma assartuinermi ajornartorsiutinik pissuteqarpoq. Taamatuttaaq sanaartornermi naatsorsuutiginngisamik suliassat pissutigalugit kinguaattoorneq pivoq, Nils Bak ilisimatitsivoq.

Qerititsiverujussuaq
Aappilattumi tunisassiorfiup nutaap quersuaa qerititsiviutigisoq siuliani atuuttumiit 150 tonisinik imaqarsinnaasumiit marloriaat sinnerlugu angineruvoq.

- Aappilattumi tunisasssiorfimmi nutaami quersuaq qerititsiviutigisoq marloriaat sinnerlugu anginerugami siulianiit imartunerujussuuvoq, Nils Bak, Royal Greenland naapertorlugu oqarpoq.

Ullormut 15 tonsit
Nunaqarfimmi aalisartut siornatigut ullormut tonsit pingasut sisamallu akornanni tunisassiorfimmut ullormut tunisisinnaasimalllutik tunisassiorfimmi nutaami ullormut 15 tonsit angullugit tunisisinnaanissaminnut periarfissaqalissapput.

Tunisassiorfimmi nutaami aalisakkanik blokkikkaarlugit qerititsissutinik qerinasuartitsivinnik marlunnik ikkusuisoqareerpoq. Quersuup qerititsiviutigisup allineqarneratigut tunisineq tunisassiornerlu ukioq kaajallallugu ingerlanneqarsinnaalissaaq.