tunisassiorfiit
Tunisassiorfiit sikummat tunisassiornikittut
Issinnera sikuneralu Royal Greenlandip tunisassiorfiinut arlalinnut eqquivoq
- Qeqertarsuup Tunuani Kangaatsiallu eqqaani sikunera pissutigalugu Qasigiannguani Kangaatsiamilu Royal Greenlandip tunisassiorfiinut aalisakkat tunineqartartut annikimmata tunisassiorneq annertunngitsoq ingerlanneqarallarpoq Ilulissanili raajanik tunisassiorneq unitsinneqarpoq, Royal Greenland nittartakkamini ilisimatitsivoq.
Sulisut 50-t angerlartinneqartut
- Sikunera pissutigalugu raajat tunisassiarineqartussat tikiunneqanngitsoormata tunisassiassaarukkatta allatut ajornartumik tunisassiornerput unitsittariaqarsimavarput. Taamaattumik marsip qulingiluaani sulisut 50-it missingi angerlartiinnartariaqarsimavavut, Ilulissani Royal Greenlandip tuniassiorfiani ingerlatsisoq Jensigne Schmidt oqarpoq.
Ilulissani Royal Greenlandip raajaleriffiani sulisut sulinngikkallarnerminni tunisassioriaatsinut tunngasut aamma eqqiaasarneq pillugit sapaatip-akunnerini 12-imi 13-milu pikkorissartinneqassapput.
Tunisassiornerup allartinnera
Royal Arctic Linep umiarsuaatai Ilulissanut tulassinnaanngorpata Ilulissani raajanik tunisassiorneq allaarteqqissaaq